زياره لصديق قديم وشرب حليب خلفات .. صور منوعة ..

[قناص الحبارى]

أخوي الغالي / اللــــــيل ،،

بارك الله فيك .. وبيض الله وجهك ..


مرورك أسعدني ... !!


أخوك/ أبو عبد العزيز

[قناص الحبارى]

المشاركة الأصلية كتبت بواسطة أبو فالح

مراحب مستر قناص

تقارب الثقافت بين العناق والديك شي حلو .. لكن وش رايك تقارب ثقافات بين الأوادم والأعضاء

يعني تكز لي طاسة حليب في رسالة خاصة ما هي رديّة .. وسأكون لك من الشاكرين الناكرين << سجل عندك تقارب متناقضات

..............

نغزة ... بالهني والعافية

صبخة .. لا تكثر مره عشان ما يذبح بطنك

هجّه .... الله يذكر الرغباوي بالخير

-------------------------------------------------------------------

أخوي الغالي / أبو فالح ..

السلام عليكم ورحمة الله وبركاته،،

حياك ياخوي وابركها من ساعه ... وترانا ما نكز الحليب ... حنا طال عمرك ندسم شواربك يامال الشحم..

المحل محلك والحلال حلالك .. وأنت المعزب وتآآآآآآمر أمر ... ومالك إلا طيبة الخاطر...

أخوك/ قناص الحبارى

[شوشو]

المشاركة الأصلية كتبت بواسطة قناص الحبارى

أخوي الغالي / شـــوشـــــو ،،

حياك الله وبياك في منتدانا الغالي (( الــرحــــــلات )) ,,

ودنا نستفيد منك يالحبيب .. والحليب أبشر به والله .. وين مكانك ؟؟؟ وبالخدمه ..

أشكرك على مرورك ..

أخوك/ قناص الحبارى

اخوي.قناص الحباري.
انا الله يسلمك شايل المدحور فوق امتوني وهذبي مابين الرياض والدمام والزلفي ...ماهنافضوه.
.والسلام

[ليث]

اخوي بو عبد العزيز

كفو والله ... ودسمت شواربنا يا مال الغنيمه ..
الله يكثر خيرك وخير خويك ويطرح بحلاله البركه ..

تخت ختات ماهي بهينه يابو عبد العزيز ... ماشاءالله عليك
ويحفظ لك عبدالعزيز واخوانه ويصلحهم يارب

[قناص الحبارى]

السلام عليكم ورحمة الله وبركاته ،،

أخوي الغالي / ليــــــــــــــــث ،،

يامال الغنــــيمه والله ... هـــــــــــــــلا وغـــــــــلا ،،

يا بو حـــــــــــمد .. أبشر والله بخته تشرح صدرك وتوسع خاطرك ..

أنت بس حدد الزمان .. أما أن تراي فاااااااااااااضي لك بس أشر ..!!!

مرورك أسعدني كـثــــــير .. وتعقيبك ,,, أخجلني ...

أخوك/ أبو عبد العزيز

[احمد الثقفي]

ياراعي الناقه * نفسي عليكم مشتاقه * حلالات ياطاسة برغوتها ذواقه * عليها جمع من الرفاقه * ومعه تمرة سكري والدلة بالعويدي بساعة إشراقه * ياوين أهل البل اهل البر وعشاقه

جزاك الله خير اخوي قناص الحبارى على التقرير

تحياتي

[قناص الحبارى]

أستاذنا الفاضل / أبو أشرف ،،

حياك الله ياغالي... أبشر بالرضا ..

إذا ما أخليك تسعبل من الوناسه ...

الحليب ولله الحمد كــــثير .. والخلفات من اللي يحبها قلبك .. وحليبة معزه .. نفوحها بحبتين هيل ,,معاها قرص بري يحبه قلبك .. وزبده وثلاث دلال (( قهوة هيل __ قهوة مسمار ___قهوة شعير نجران )) وأبريق شاهي مخدر .. ومركا سوري .. وشبة ضو ..ما أحلا منها ............هاااااااه أكمل ..ولا ... ؟؟؟؟؟

علمني .. تراني أحتريك ترد ..


أخوك/ ابو عبد العزيز

[قناص الحبارى]

السلام عليكم ورحمة الله وبركاته ،،

وصلني أستفسار من بعض الزملاء والعضاء عن نوع الكاميرا التي اخذت بها الصور لهذا الموضوع

ونزولا لرغبتهم إليكم ما يلي.. أن نوع الكاميرا هو نيكون NIKON 8700

وهذه صورتها ...

وهذا هو موقع للكاميرا وفيها معلوماتها كامله ..

http://www.dpreview.com/reviews/nikoncp8700/

ولكم الشكر جميعا

أخوكم/ قناص الحبارى

[حامد الغامدي]

أبو عبد العزيز:

كله كوم والصور اللأحترافيه كوم (ماشاء الله تبارك الله)، انا الحقيقه أعجبت جدا بنقاوة الصور ووضوحها، والله الموضوع مازاد جماله الا حلاوة التصوير، وعسى الحليب مداخيل العافيه عليك وعلى اللأشبال الله يحفظهم، والأفلانش ذكرني باجتماع الرياض ياعمار أول لقاء تعارفنا معاكم ومع أبو فراس.

ننتظر منك الأجمل في رحلاتك القادمه.

تقبل تحياتي.

مهراس

[قناص الحبارى]

اخي الغالي / مــــهراس ،،

السلام عليكم ورحمة الله وبركاته ،،

جزاك الله خير يالحبيب .. والصور لاهي إحترافيه ولا شي .. صور عفويه .. بس أنت مكبر الموضوع ...

مرورك زاد الموضع جمال ..

وأشكرك على دعائك واسال الله أن يحفظ لك أبنائك ..

وخلينا نشوفك قريب ..


أخوكم/ ابو عبد العزيز

قناص الحبارى