لقطات من لقاء نصف القمر

[أبو فالح]

مساكم الله بالخير جميعاً

شايب الصمان

أولاً : أقدم احتجاجي على حقيقة هذا المعرف ( شايب ) .. أنت يا خوك ولد وش ملحه

ثانياً : يعطيك العافية على هذا الاحتفاء الجميل بأخوانك وضيوفك .. وحين أشكرك فأنا أشكر فيك خصلة الكرم الحميدة

ثالثاً : فاتتننا هالرحلة الطيبة واللقاء الأخوي ... لكن نعزي أنفسنا بأن القادم لا يقل جمالاً عمّا أشاهده من محبه وأنس صادق

بمان الكريم

[BASSAM]

ما شاء الله الطلعه حلوه واللي حلاها كرم ابو عبدالله جزاه الله الف خير

الطلعه ممتازه بكل المعايير (الدوليه والمكشاتيه) :d

وزاد الطلعه ميزه وجود بعض الاخوان والذي تعرفت عليهم لاول مره.

واسأل الله تعالى كما جمعنا في الدنيا متحابين ان يجمعنا في الجنه (امين)


جزاكم الله خير




بسام

[BASSAM]

بعض اللقطات من الموقع

من الساحب ومن المسحوب (ولي عوده في هذه الصوره أن شاء الله تعالى)

الشباب استعدادا للانطلاق

غفوه على الطاير

أنس ومحبه

ابوذيب وقصه جديده ومهاره في الوصف

صورني عشان اوري الشباب اني ركبت الجيت سكي

الغروب

[شايب الصمان]

أيه بعد أبي صور زياده كل الي صوروا وبعدها بعلق

[رسلان]

اجتماع محبة واجتماع ألفة وكرم حاتمي ودعوة كريمة من أخ كريم ...

كنت أتمنى أن أحضر مثل هذا الاجتماع المبارك .. ولعل في الأمر خيرة ...


جزيتم خيراً أحبتي الكرام على مشاركتنا بهذا الإمتاع والجمال والصور الجميلة والوصف والتعليقات الرائعة ...


بورك في الجميع ...

وتمنيت وجود لسته لمن حضر ...

وشكر خاص لأخي صاحب الموضوع ولمن شارك من الأحبة ...

عافاكم الله ...

[الانيق]

العذر والسموحة يابو عبدالله وبقية الربع

فقد خسرنا هذا الاجتماع المبارك ان شاء الله وخيره في غيرة

[عروان]

بسم الله الرحمن الرحيم

أولا الله يغنيك يا أبو عبدالله و كثر خيرك

ما قصرت بالحفاوه و الضيافة الكريمة لنا. ولو أني أحتج لأنك ما خليتنا نشارك معك في مصاريف اللقاء و تكفلت بها لوحدك.

بارك الله فيك على كرم الضيافة اللي ما يبيله شرح لأنة واضح على محيا أبو ناصر في هالصوره



من كبر اللقمة عجز يرفع .........


أخيراً تشرفة في هالجَـمعة معرفة الاخوان أيمن و راعي كيف و ثهلان و وائل الدغفق و المسافر.

الله لا يخلينا من هالوجيه السفره.


صراحة اللي ما حضر فاته نص عمره.... و النص الثاني بيفوته في رمضان


تحياتي للجميع

[ليث]

السلام عليكم

كثر الله خيرك يابو عبدالله(شايب الصمان) ودام عزك

يعلم الله انك احرجتنا بكرمك وطيبك .. وخدمة اخوانك .. والفضل لله ثم لك في هذا الاجتماع الطيب.

"معزبنا شايب الصمان" , ابو فراس , ابو مروان , ثهلان , ريع الدياب , بسام , مهراس , قناص الحباري , المترو , رحال الخبر(وائل الدغفق) , عروان , ابو ذيب , راعي كيف , أيمن . وكل من حظر ولم يحظرني اسمه...

تشرفت بلقاءكم ,ومعرفة اخوة لنا .. نتوق الى لقاهم والتعرف على (شكلهم) فقط..! اما معرفتهم فقد تمت منذ امد بعيد ..ومن خلال مشاركاتهم وطرحهم البناء.. فأنعم بهم جميعا..

الاخ ابو مروان & الاخ ثهلان :
اشكركم على هداياكم الغاليه .. واللتي تعني لي الشيء الكثير والمعنى الرفيع.

اخوكم ومحبكم " ليث "

[شايب الصمان]

أقباس :خشم الحصان

صدمه...... يكيكي هالمره ماشوفك تلعب سامري حول الصحن او مسوي رجيم او ناشب في لاهاتك عظم سمكه :d
---------------------------------------------------------------------------
أقول ترا فيه ناس مستعدين يخطفونك المره الجايه أذا ماجيت ..... وبعدين تركنا السامري لان قطعنا عرق أهل السامري وحولنا على أهل البحر الصيف خبرك وما يصاحبه من تقلبات مناخيه وذلك أستعدادا لفصل الشتاء

وكثره الطلعات البريه برفقه العمده ( والمترو مرعب الهرافى .... والعام الماضي حسنا الصمان 45 كيلو بدون قارمن كله لعيون هرفي يحبه قلب المترو وماسكه معه على هرفي ) وهذا الدليل





أقتباس: المترو
ابو عبد الله شايب الصمان الرشيق ............. لولا تغريزة الجيب والدوج .
------------------------------------------------------------------------------------
أقول الله يخلي أبو أنيولوك هو الي خلاك تسجل والرشاقة الي أنت شفته... بعلمك ليش سويت الرجيم أذا جاء البر والربيع الطيب ...... وبعدين كنت مؤدب معك طبعا صح .....

وبعدين تغريزة الدوج والجيب مهراس كان وده يشوف تغريز طعوس الشرقيه والوعد طلعات البر الجايه بأذن الله .

[أبوعبدالعزيز]

ما شاء الله جمعه طيبه ومباركه ان شاء الله والله كان الود نكون مع الاخوه لكن الحمد لله الجايات اكثر ان شاء الله


ما شاء الله عويد ما يسويهم الكاتم

[أبو محمد]

كم كنت أتمنى الإلتقاء بأحبة سبق لى وأن إلتقيت بهم وكم أتمنى أن ألتقي بأحبة لا أعرفهم إلا من خلال لوحة المفاتيح
ولكن نقول : خيرها بغيرها

[نقا خريم]

فاتتك يانقا خريم

ومن لايريد هذا الشاطئ الهادئ والجميل

برفقه رجال يأنس الفرد بصحبتهم

نسأل الله ان يجمعنا وإياكم في مستقر رحمته

وخيره بغيرها ان شاء الله

[ابوذيب]

ريع الذياب مساك الله بالخير انت والجميع
انا زمان ماجيت الموقع ولا عندي باس وورد وانقذنا ابو مروان بكلمة السر
ولا دخلت الا اليوم
ومشكور على اشعال فتيل الموضوع
ومشاركتي هي كالتالي :-
اولا:-
لاتستغربون مايفعله شايب الصمان ،فهو مجبول على الكرم الوراثي
ثانيا:-
ابو عبدالله اجتماعي وسخي لدرجه اننا نطلع على اساس قطيه ونتفاجأبانه اشترى جميع اغراضنا وفوت الفرصه علينا

وانا اللي يعجبني فيه سعة صدره عندما نجد احد متعطل ويهب للمساعده ونحن مستعجلين او لدينا مهام اخرى

ولو تكلمت عنه الى الليل لن افيه حقه رغم أن شهادتي بشايبنا الشاب مجروحه

عموما هو دينمو الطلعات وتجميع الشباب سواء بالبر او بالمدينه
وهو مكسب لاي منتدى متخصص بالرحلات والمكاشيت البريه

وقد استقبلنا بمنزله بالحزام بالخبر وتغدينا عنده غداء هني مري دارت كثيرا من الاحاديث حول الاعضاء وامور المنتديات
وقد صار هناك مباحثات جانيه بين بعض الاخوه الاعضاء بموقع مكشات والرحلات ومن ثم انتقلنا الى الضفه الغربيه من الخبر حيث هناك تم نصب مخيم على ضفاف نهر البارد اقصد شاطء نصف القمر
وجمال الطبيعه تجسد بالتلال الرمليه تلامس بسفحها تكسرات موج الشاطي الهاديء
وقد كان هناك الكثير من المواقف الطريفه واللقائات الوديه بين كافة المجموعه واختلط المكشاتي بالرحلاتي
ولن اطيل عليكم وادعكم مع بعض الصور ،ولم اجد متسع من الوقت الا اليوم والا لكنت اجزلت بالموضوع وارجو المعذره;;;;;;;;


الذيب بالقليب والشق اكبر من الرقعه
لما كتبت النص وجيت انزل الصور ماحصلتها وكنت مصورها على شريحه واحد قيقا وثاني يوم صورت في عرس احد الاصدقاء حوالي 400صوره ولما نزلتها لم انزل صور الطلعه وقد سويت للشريحه فورماتد .
خساره والله يافيها لقطات منتخبه وريع الذياب وهو يرقص السامبا واشياء كثيره
لكن العوض على الله

[حامد الغامدي]

والله حسافه يابو حسام، عاد انا مالي ولا صوره من اللي نزلت بالموضوع، كنت متعشم باللي عندك،
شوف أبو آدم كود الله يهديه وينزل من الصور اللي أخذها في بيت أبو عبد الله على الأقل ريحة أبو علي ولا عدمه.