إغراء الدهناء

[أبو فالح]

مسّاكم الله بالخير جميعاً

تعد هذه الأيام هي الأفضل من حيث التفكهة في فاكهة الشتاء ( الضوية )

لكن لست أعني داخل البيوت إطلاقاً هذه الأيام ( حر ) .. وإنما في مصافط الدهنا الذهبية وفي أي مكان يتواجد فيه الحطب

والسبب يا سادة هو برودة الجو النسبية .. فليس هناك برد قارس يشطب عضمك وينشوي وجهك بينما ظهرك قالب ثلج

أيضاً ليس هناك حر لافح يجعل من النار خانقة ومملة .. هو ماذكرت برودة نسبية .

في الأسبوع الماضي كنت هناك ، ومن هناك أهديكم ثلاث لقطات تحميسية للطلعات والهبهبة وملاحق البروق

<< رهيبة التالية

خلاااص .. خلاااص ... طولناها أكثر من اللازم .. خوذوا اللقطات لا يهجن :

.

هنا درس تربوي لمن يمتلك الطموح والعصامية ، فالبدايات لا تولد كبيرة
.
.
.



تقاطيع اللهب المشوب برائحة الأرطى الزكية .. تمنحك اللذة والأنس والراحة النفسية

.
.
.
.




وفي الصباح وحين تشرق الشمس .. لا تبخل على نفسك بالتمشي والتمغط يا دب ... توكل على الله
.
.
.
.



أمّا من تقصر رجله عن الذهاب لسبب أو لآخر .. أو حتى من أجل عجوز أو شايب أو شباصة

فالأخ سهيل ما قصر جايب لكم الأرطى حتى بيوتكم .. يالله شبّو من هالشحنة حتى تملون
.
.
.




بمان الله ،،،

[ريع الدياب]

يازين الضوية على الرمال الذهبية هالأيام

[محمد الديحاني]

عزالله انك اغريتنا

اهم شي الشحنة

[ابو صقر]

بسم الله الرحمن الرحيم

الله يعطيك العافيه ياخوي ابو فالح
صور محمسه ورائعه
والله يجيب الخير ونشوف هالرمال الذهبيه مكسوه بالخضار

مشكور يالغالي

[ابو فراس]

يابو فالح وش سويت بنا

هالصورة تصيح كثير من الناس

[هزيم الرعد]

ماشاء الله
يازين هالضوية والفلة ...
ياخوي أنا من يوم كشت ذاك اليوم بالغضا مع أبو فراس وشايب الصمان والجارمن وأبوصقر وأنامتخنشلن عند هكالمكان
متخنشل " جايزن له بالحيل "
عاد عقبهم رحنا مرتن ثانية ..وعندي الصور .. ونزلت بهن موضوع بموقع ثاني بس إنمحش كل شي بالموقع
أما صورة الأرطا ماشاء الله
هذا إلامنه بغى يسقط على سيارة لازم يطلع على الرادمية

[ثامرالماضي]

بسم الله الرحمن الرحيم

يامال العافيه يابوفالح ... الله الله على هالضوية ... ياخوي يازين الكشتات ...

والله إن راعي الطير مشقي حاله بالحيل ... لاجلسه زينه و نومة زينه ...

كل شغله عجله بعجله ... لكن أغدينا نتلاحق هالسنه ونكشت بإذن الله ...

مشكور يابوفالح ... وبيض الله وجهك ...

وننتظر المزيد ... والمزيد ...

,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,

[حامد الغامدي]

أجل وش أقول انا اللي توي بادي على الطلعات وما هنا أرض زينه لا صار الوقت براد، الله يجيب الشتا وذيك الحزه يبي يطلع لنا مكان من هنا ولا هنا ونمرح فيه على شبة النار ومعاميل القهوه والشاي والعلوم الزينه، الأسبوع اللي مضي خرجنا للبر انا ورفيق لي، راس براس وشبينا نار للقهو والشاي واستانسنا على هاك النسيم بعد المغرب، واخذنا لنا غطه كود تنضج القهوه، وسمرنا للساعه 11 ورجعنا،

أبو فالح: حركت فينا الشجون والشوق الى البر مع قرب دخول أيام البرد بهالصور اللي تشرح الخاطر شوف أبو فراس يصيح، معاه حق البر عشقه (بالحجازي) يعني غرام.

تقبل تحياتي.

[قناص الحبارى]

أخوي الغالي / أبو فـــالـــح ،،

بيض الله وجهك ....................... شهوتن فيها العافيه ..

والله أنه يحسدونك كبار القوم وأصحاب الملايين على هالضويه وفنجال القهوه وبيالة الشاهي

يامال العااااااااااااااااااااااااااااافيه




على فكرة ...... لون الفراش ...هو كذا ..؟؟ وإلا من الشمس.... ؟؟؟

أخوك/ ابو عبدالعزبز

[شايب الصمان]

مشكور عزالله مهب صور تحميسيه الا حمستنا حمس طيب ...... .

وبعدين ياخوي تقل أنت جبت طاريي يوم أنك تقول الكلمات دب وشايب

وفي الصباح وحين تشرق الشمس .. لا تبخل على نفسك بالتمشي والتمغط يا دب... توكل على الله






أمّا من تقصر رجله عن الذهاب لسبب أو لآخر .. أو حتى من أجل عجوز أو شايب أو شباصة .

خلاص معليش بنعذرك بس بشرط نطلع للبر جميع وتشب لنا ضويه مثل ذي ............ ..

[أبو مروان]

السلام عليكم ورحمة الله وبركاته

إغراء ما بعده إغراء أخي الغالي أبو فالح ومنظر يهيج القلب

الله يرزقنا الغيث وحلاوة الجو

[أبو فالح]

مسّاكم الله بالخير جميعاً

ريع الدياب

أي والله يازين الضوية ها الأيام .. ويازينها بعد لا صارت مكحلة بسواليف أبو اسماعيل


راع اللاند

وش تنتظر .. ؟ يالله شب على اللاند ودرهم مع الصحراء

أمّا الشحنة ياويلك تلمس منها عود .. حقتي أنا

ابوصقر

آمين .. الله يجيب الغيث ثم الربيع ثم الكيافة والهبهبة

تعال .. أنت والد العمدة صقر.. عساه بار فيك

أبوفراس

الصيحة من أجل هالصورة من طيب المعدن .. أكيد أبحمسك عشان تمرّن ونطلع سوا

بمان الله ،،،

[راعي الشاص]

أبو فالح: الموضوع كله رايع مثل ما عودتنا
لكن هذي الحاله:

هنا درس تربوي لمن يمتلك الطموح والعصامية ، فالبدايات لا تولد كبيرة

لاهنت

[أبو فالح]

مسّاكم الله بالخير جميعاً


هزيم الرعد

ونا بعد متخشللني ردك .. يعني جايزلي ردك

عموماً .. تفداك الضوية والجميرات



أبو شعلان

أنت قلتها .. الصقار مشقي حاله بالحيل .. تصدق جربت القنص فترة بسيطة وعافته نفسي عشان قل الجلسات والرثعي كل النهار

عموماً .. الراحة النفسية هي مربط الفرس حتى لو كنت تقرض حصى


مهراس

يامهراس .. أتبع غرمك مع فجوج الصحاري .. على قولة بدر الحويفي

يسلم مرورك العاطر .. والقادم أحلى علي وعليك بمشيئة الله


قناص الحباري

عاد وش خليت وش بقيت .. أنت قناص الحباري وهذا وقتها .. عطنا عمرك

أمّا سالفة يحسدوننا كبار القوم وأصحاب الملايين .. أنا متأكد من هذا وبصم بالعشر .. إلاّ شخص الحكيم

أمّا لون الفراش .. أقول أبلع العافية ياعم


شايب الصمان

يعني مافيه بالدنيا شايب ودب غيرك .. عينك عينك

يعطيك العافية .. وشبّة الضوية معك نشريها بالريال الحمر .. إلاّ أنت تطيعنا


أبو مروان

يامراحب يامراحب .. هلا بالزعيم

وزي ما قلت .. اللقطات تهيض الخاطر وتهيج القلب .. لكن وش نسوي نبي نتسلى بالذكريات الجميلة

أمين الله يجيب الغيث ونشوف جمال الأرض


راعي الشاص

مقتبس غالي من شخص غالي .. يعطيك العفية وإعجابك وسام


يعطيك العافية ،،