أول الكفشات بالكمره الجديده

[ريع الدياب]

الغالى أبوعبدالله شايب الصمان

الكمرة القديمة كانت كفشاتها أقوى !!!!

أمرنا لله ... رغم ان الجديدة ماقصرت



هذه الصورة رجحت ميزان عزبة أبوفراس بما لا يدعو للشك
أبوفراس يده فى عزبته يسد الناقص من عزبة أبونواف وبهذا
يغلق الستار على الجدل الطويل ويؤكد أسطورة تفوق عزبته



أما هذا الابريق التحفة فلا تكون الكفشة تامة بدون أن نعرف صاحبه ؟
اعترف ... افصح ... أبن ... من هو له ؟؟

[سحمان السبيعي]

شكرا لك اخي شايب الصمان على هالصور الممتعة بارك الله فيك

[ابو صقر]

بسم الله الرحمن الرحيم

ياسلام عليك يابو عبدالله
قفشات رائعه بس اكيد ان درجة الحراره المنخفظه والمتجمده اثرت على القفشات و جت بارده شوي
<<<<<<<يدور الحراش

الله بالخير عمنا ابو اسماعيل
في هالصوره ماندري العزبه اللي حاط ايده فيها ابو فراس ((لمين))؟؟؟

[حامد الغامدي]

يامال الغناة يابو عبدالله، ليتك حطيت عنوان ( شي ما شفتوه في النفود الكبير)
ما تترك الناس في حالها، حتى الأبريق قفشته، ههههه، لكن كذا حنا مبسوطين نشوف ابداعاتك الجديده ومواضيعك المميزه والمغامرات مع الدوج، موضوع جدا ممتع، عساك على العافيه، وسلامة مهندس الهدد من كل شر.

تقبل خالص التقدير على هذا الموضوع اللي خلانا نشوف الجانب الآخر من هذه الرحله الجميله.

[شايب الصمان]

الطرقي :
الله يمتعك على الصحه والطاعه .... شاكرلك تعليقك .

ريف النشاما:
هلا ومرحبا بك يابعدي ياهي أنكشفت أمور كثيره وبانت على حقيقته وصدقت هالشاخوف بين كل شىء ... ولاتسأل عن الدوج بخلي غيري يتكلم عنه وقريبا سوف ترون موضوع مستقل عنه ..

ماجلان:الظاهر أنك تدور الحرش أنت وأبوصقر ......... وبعدين مهب ثلاث وايرات بل أربعه دقق زين يابعدي ..


أبو مروان:
تعليق رهيب وبعد المدة المقرره لتوحيد توقيع أعضاء رحلة الشمال سوف يعتمد التوقيع مع التعليق.................... تسلم يابومروان .

هزيم الرعد:
بسم الله الرحمن الرحيم مرسل معي أحد يوم أشريه ( واحد مايعرف التطور ) بس عاد أي لون يالله علم وأذا جيته تراه لي .

صقر:
هلا بأمير الرحله .... هذي الصوره قبل ماتجون من كمرة سهيل بأمر من العمده ولكن من قدم السبت لقى الاحد والخير موجود وأنتظر الكفشات القويه للاعضاء جميعا بما فيهم حضرتنا .

[ثامرالماضي]

بسم الله الرحمن الرحيم

هلا والله وغلا يابوعبدالله ماشاءالله عليك كميراء جديده >>> والله إني داري إنها علشان هالكفشات هههه

لكن الحمدلله على السلامه ... وترى هالكفشات بارده نوعاً ما على ماقال أبو صقر ...

إلا هالصوره الصراحه قويّه شوي ...


الحين أبو فراس وش يسوّي بعزبة الجارمن هو يحط شي وإلا ياخذ ... وإذا كان يبي يحط ليش عاد وأنتم لاهين ...

وشكلك يابوعبدالله أنت اللي كنت تقطع اللحمة لأني أشوف ماعنده أحد ...

مشكور يابو عبدالله على هالصور الزينه ...

ولو هذي ماهيب شي عند اللي أنت مصور ... ولكن ننتظر الباقي بكل شوق ...

,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,

[شايب الصمان]

البرّي:

هلا بك أكثر بس تقل متردد يوم انك تبي تلف علينا وأنت بالخط الثاني بس الحمدلله انك جيت وكفشت كفشه وأسدحه الله لايصغرك ......

A.K.H:
صراحه أنكم تدورن الحرش وكلكم تقولون بارده هالكفشات ................. تبيوني أجي على رأسي مدرعم بكل اللي عندي بس أبي أبين من اللي يطلب الحرش ........ الله منكم يارحلاتيين ياراعين التحرش .وبعدين تقول بردك

(بس الحمدلله الاند كروز ماله كفشات .... خاصة في التغارررررررررريز ...أنصحك اترك الباترول ...وأتجه إلى التايوت ..... )... ياعندي كفشتين لموتر أبوفراس وسهيل يحبهن قلبك وأستلمهن بالجزء القوي من الكفشات ....

سهيل :
معاد يمديك يابوخالد الكلام المعسول وانتظر تغريزة النازيه الاولى

راعي الذوق:

اشكرك من أعماق قلب الدوج على هالاطراء الرائع ... ولو سويته مثل اللي بالصوره كان ويش يفكنا من عيون الحساد

[شايب الصمان]

المشاركة الأصلية كتبت بواسطة ريع الدياب

الغالى أبوعبدالله شايب الصمان

الكمرة القديمة كانت كفشاتها أقوى !!!!

أمرنا لله ... رغم ان الجديدة ماقصرت

هذه الصورة رجحت ميزان عزبة أبوفراس بما لا يدعو للشك
أبوفراس يده فى عزبته يسد الناقص من عزبة أبونواف وبهذا
يغلق الستار على الجدل الطويل ويؤكد أسطورة تفوق عزبته

أما هذا الابريق التحفة فلا تكون الكفشة تامة بدون أن نعرف صاحبه ؟

اعترف ... افصح ... أبن ... من هو له ؟؟

الله يسلمك ياعمدتنا الشرقاوي :

كنك تدري أنه به كفشات قويه بس حبيت أجس نبض البعض المغرضين .... وأنتظر الكفشات القويه وحتى أنا ماسلمت من الكفشات .

عزبة أبوفراس لايضاهيها عزبه على الاطلاق ..............

الابريق العجيب التحفه .......... تره مهب لخشم الحصان ولاسوى به لنا شاهي أبد

[شايب الصمان]

كان :
الله يمتعنا ويالك على الصحه والطاعه وأشكرك على ردك .

ابو صقر: مدور الحرش حتى وانت شمال وبعيد عنا تدور الحرش وتوصين بعنيزه على ال..... الله منك يابوصقر ............ عندي لك كم صوره لعزبة بعض الناس اللي خبرك وتغريزة سيارته ووووو ... ترقب الكفشات القويه من رحلة الشمال ...

[راعي الشاص]

شايب الصمان
اقطع المعرفة ، ماني متوهق معك بطلعة ، هذي اول قفشات ؟ اجل وش هي آخرتها مع القفشات القوية.
الف شكر لك ياالغالي وننتظر باقي القفشات الشايب صمانية الشمالية!

[ولد نجد]

خطير في قفشاتك يابو عبدالله
تدري لو اني بمكان ابو فراس ولا راعي البريق
كان ختلتك وفرمت كمرتك وخليتك تفرك ايديك لامنك وصلت البيت

[البرّي]

المشاركة الأصلية كتبت بواسطة شايب الصمان

بداية الرحله بداية طريق جبه ( موتر العمده مع الوحش اللي أثبت قوته ماشاء الله بأفعاله)













تغريزة عناد ويشهد الجميع وكانت الكفرات 40 هواء بدون تنيسم .... يافرحت أبوفراس بس الحمدلله كانت أول ليله ولكن ترقبوا موضوع الدوج ......والدليل شوفوا توقيع أعضاء الرحله كلها صورة الدوج

اهلا بأخي ابي عبدالله

هالصورتين رجعتني لأتذكر جواب سؤالي لأبي فراس

بعد ما وقفت عندكم ومن عرض السوالف !!!

قلت له سلامات وراكم واقفين؟

قال ابد((( هالدوج مغرز)))

ومن كلامك وتعليقك على الصور اللي فوق تذكرته

لعل هذي تفيدك بقفشاتك هههههه

تقبل مروري

اخوك البرّي

[ابوذيب]

ابو عبدالله والله انك مبدع
ولسا انا اتوقع منك مفاجئات رائعه وقريبا قادمه
الله يوفقك

بس يا اخوان ابو فراس قاعد يقرا على السياره لان الغراز صار بارض مشهوره بالجن ولا تحصنوا من البدايه وشوفو ابو فراس ينفث عليها بس لايدري بابا نويل ويطالب بحفظ الحقوق.. تحياتي لك ياشايب الصمان
وتحيه خاصه للعمده ابو فراس مهندس طبخة الملح بام رقيبه هالسنه وعندي له صور مغرز بعد بس والله مافضيت انزلهن

وتحيه اخاء ومحبه لجميع اعضاء الرحلات

[الجارمن]

ابو عبدالله
لا تحارش تراه عندي صور كثيرة ل؟؟؟؟؟؟؟؟؟؟؟؟؟؟؟؟؟؟
وبعدين على طاري العزبة اللي يسمعك يقول كل اغراضنا اخذناه من عزبة ابو فراس
ما غير ابريقين وفنجالين وباقي الاغراض انت عارف من وين جيبناهن

[خالد940]

مبروك الكميرة يا ابوعبداللة وتسلم على الموظوع ونحتري الباقي .