مليار مسلم .. !!

[رحال بريدة]

.
.
.
.

ياموت زرني مرحبا فيك وأهلين=ماعاد في دنيا الهوانات عزة
كاس المذلة ذقت أنا منه كاسين=ياما شربت الذل مزة ومزة
وأنا الذي من قوم ناسٍِِ عزيزين=تاريخٍ أبيض عن سواده منّزه
تشهد لنا اليرموك وبدر وحطين=معارك في كل حينٍ وحزة
لوصاح مسلم بآخر الهند والصين=سارت جيوش الغوث لأجله بفزة
الجيش راياته على نصرة الدين=ماهوب تلميع وحفلٍ ورزة
واليوم شفنا ماحصل في فلسطين=الجرح غاير والمشاهد بغزة
جرحى وقتلى والدما بالميادين=ماتسمع إلا صوت ثكلى وهزة
أطفالنا تصرخ بليا مجيبين=يروعها صوت القنابل بنزّه
مليار مسلم في عددهم كثيرين=يكفي بني صهيون بالعين خزة
يارب نصرك للجنود الميامين=راس العدو في كل شبر تجزه

.
.
.
.
.

رحال بريدة 17/1/1430هـ

.
.
.

[محمد المعارك]

صح لسانك اخي رحال بريدة
ومشكور على هالقصيدة التي تنبض بالإيمان
شيء يقهر ما يحصل من قتل للمسلمين العزّل
ولهم من الدعاء والتضرع الى الله بنصرهم على العدو الغاصب.

بارك الله فيك.

[أبوخالد التويجري]

الغالي صح لسانك مقدما

القصيد لم تظهر لي انا ولا اعلم ما السبب




نوماس سدير

[ابو فراس]

وعليكم السلام ورحمة الله وبركاته

قصيدة من قلب يارحال بريدة ولا احد من المليار مسلم يلومك

[يعقوب الوهيب]

يارب نصرك للجنـود المياميـن *** راس العدو في كل شبر تجـزه

آمين آمين

صح لسانك ياشاعر الرحلات الملهم.

[عبدالكريم اليوسف]

اللهم امين

الغالي
بارك الله فيك
على هذا الشعور
وعلى هذا النص الذي
لايخرج الا من الرجال

بارك الله فيك وصح كلك
اخوك

[رحال بريدة]

المشاركة الأصلية كتبت بواسطة صقر

صح لسانك اخي رحال بريدة

المشاركة الأصلية كتبت بواسطة صقر

ومشكور على هالقصيدة التي تنبض بالإيمان

شيء يقهر ما يحصل من قتل للمسلمين العزّل
ولهم من الدعاء والتضرع الى الله بنصرهم على العدو الغاصب.

بارك الله فيك.

.

.
.

صح بدنك يالغالي ولاهنت ..

ولاشكر على واجب نفعله وهو أقل القليل

أشكر لك مرورك العاطر ... وأسأل الله أن

يستجيب دعاءك وأن يقر أعيننا بنصرٍ عاجل

لأهلنا في غزة ..

.
.
.

[رحال بريدة]

المشاركة الأصلية كتبت بواسطة نوماس سدير

الغالي صح لسانك مقدما

القصيد لم تظهر لي انا ولا اعلم ما السبب




نوماس سدير

.
.
.

ياهلا والله بنوماس سـدير ..

صح بدنك ولاهنت .. متمنياً أن تكون

القصيدة قد ارتقت إلى ذائقتك بعد أن أرسلتها

لك من خلال الخاص ..

مرورك شرفني ..

حيّاك الله وبيّاك ..
.
.
.

[رحال بريدة]

المشاركة الأصلية كتبت بواسطة ابو فراس

وعليكم السلام ورحمة الله وبركاته

قصيدة من قلب يارحال بريدة ولا احد من المليار مسلم يلومك

.
.
.

الأخ الفاضل والحبيب الغالي / أبي فراس ..

تشرفت بمرورك المبهج

متمنياً أن يكون ماقرأته من أسطر قد

حاز رضاك وإعجابك ..

شكراً لك ..
.
.
.

[رحال بريدة]

المشاركة الأصلية كتبت بواسطة المربد

يارب نصرك للجنـود المياميـن *** راس العدو في كل شبر تجـزه

آمين آمين
صح لسانك ياشاعر الرحلات الملهم.

.
.
.

الأخ الحبيب والأديب الأريب / المربـد ..

حيّا الله هذا الحضور الرائع والتعليق الماتع

صح بدنك ولاهنت ..

أماشـاعر الرحلات فإن هذه دونها خرط القتاد

فلامكان لي بين أستاذين كريمين وشاعرين متميزين

وهما أبوشعلان وراعي الذوق ..

وإنما هذا تكرماً منك وفضلا ..

دائماً ماتسعدني بمثل هذا الحضور الرائق ..

لك خالص ودي وتقديري ..

.
.
.

.
.
.

[رحال بريدة]

المشاركة الأصلية كتبت بواسطة راعي الذوق

اللهم امين

الغالي
بارك الله فيك
على هذا الشعور
وعلى هذا النص الذي
لايخرج الا من الرجال

بارك الله فيك وصح كلك
اخوك

.
.
.

وفيك بورك ..

متمنياً أن تكون القصيدة بالفعل قد ارتقت إلى ذائقتك

نقدك وتوجيهك هنا يهمني فأنت من أنت في هذا المجال

وماصاحبك إلا متطفل على هذا البلاط الفسيح ..

غمرتني جداً بهذا الحضور الباذخ ..

شكراً لك ...
.
.
.

[أبوخالد التويجري]

صح لسانك واعتلى شانك ولا هنت يالقرم


عز الله إنها وافيه وبيض الله وجهك

ليت نور حروفك عن سمانا ماتغيب





نوماس سدير

[رحال بريدة]

المشاركة الأصلية كتبت بواسطة نوماس سدير

صح لسانك واعتلى شانك ولا هنت يالقرم


عز الله إنها وافيه وبيض الله وجهك

ليت نور حروفك عن سمانا ماتغيب





نوماس سدير

.
.
.

صح قلبك ولاهنت ..

ولاعليك زود يالغالي ..

والله يبيض وجهك ..

شرفتني بهذا المرور الذي

أبهجني كثيراً ..

شــاكراً لك هذا الصنيع ..

.
.
.

[ثامرالماضي]

مليار مسلم في عددهم كثيريـن *** يكفي بني صهيون بالعين خـزة

أخي رحال بريده ...

عزالله إنك كفيت ووفيت في هالأبيات ...

نسأل الله أن ينصر المسلمين وأن يجعل أعدائهم غنيمة لهم ...

لاهنت يابعدي .. وننتظر جديدك بشوق

وصح لسانك

,,,,,,,,,,,,,,,,,,,, تحياتي ,,,,,,,,,,,,,,,,,,,,,