اهداء خاص لادارة ومشرفي واعضاء وزوار منتدى الرحلات وغصب عليكم تقبلونها!!!

[بركان]

السلام عليكم ورحمة الله وبركاته

هذه الصورة اللي هي هديتي لكم التقطتها يوم الخميس27/1/1428 الماضي في عروس الريضان
روضة خريم

تقبلون الهديه والا اوريكم شغلكم.!!!!!!!

[خليف العيد]

اخوي بركان
قبلناها غصب لكن شكواي لله
الله أكبرلوهي صورة السبلة عاد روضة خريم
صور روضة السبلة وشف الأقبال والردود عليه

الغالي بركان
تحمل شوي تخبر فارك من الدوام وجاي يشيك على الرحلات
الـــــــــــــــــــف شكر لك على هذه الهدية
الجميلة

تحياتي لك
ابوسامي

[بركان]

اخوي / ابوسامي
قصدك روضة البعل
ما فيها الا القمح والجرجير!!!
يمدحون قمحها اللي بدون كيماوي يخليك تشوف الاثار المدفونه!!!
ودامك قريب من مزرعتكم قصدي روضتكم اتحفنا بكم صوره على شان نقارنها بخريم.

تحياتي واحترامي

اخوك/ ابو مشعل

[ريع الدياب]

الغالى بركان

حياك الله هنا .. سرنى رؤيتك فى منتدى الرحلات
وارجو أن تعدل فى مساهماتك القيمة بين المنتديين الشقيقين

أما عن هديتك فهى مقبولة على العين والراس
من يستطيع أن لا يعشق خريم وهى مزدانة باللافندر
(قصدى الخزامى) الرائعة !!

[بركان]

الغالي ريع الدياب
حتى انت وصلت هنا
توني ادري عنكم اثركم متوزين عني وانا ما ادري
يسعدني ويشرفني ان اكون بين النخبة
والعدل مطلب ويمكن نرجح الكفه
عسى يتوفر الوقت.

[القويره]

مقبووووله منك يابركان


وروضة خريم ما شاء الله
هالسنه غير


يعطيك العافيه اخوي

[ثامرالماضي]

بسم الله الرحمن الرحيم

ياهلا والله بالغالي بركان وهذي والله الساعة المباركة ... تو مانور المنتدى ...

والصور بكل صراحة قمّه بالروعة ... ومن يقدر يقول مانقبل هالهديه ....

أخوي بركان ننتظر إبداعاتك والمزيد ... من الجديد ...

,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,

[فهدالدوسري]

الاخ الغالي
بركان
السلام عليكم
حياك الله يالغالي وان سانك لي علي بالي فانت اجمل هديه لهذا المنتدي
عموم مرحبآ فيك وهذي الساعه المباركه
اخوك
خشم الحصان

[محمد المعارك]

هلا بك اخي ابو مشعل

هديتك مقبولة من غير ما نشوفها... وماشاء الله اختيارك لهاللوحة قمة ومابعدها شيء .

تسلم على هالمشاركة وننتظر منك المزيد يابركان.

بارك الله فيك.

[الجارمن]

عزيزي بركان اللهم اجعل كل ايامك خضراء
وهديتك رائعة بروعة روائح الزهور

[يعقوب الوهيب]

حيا الله بركان
وصورة جميلة من فنان رايق.

[المغترب]

هديه مقبوله
وصور حلوه

[ولد نجد]

ما دامها جاية منك يابركان بنقبلها ... بس تكفى لا تجيب طاري لروضة البعل

[الليل]

يقبلونه لا لجمالها
ولا للونها ونكهتها الربيعية .
بل لكونها منك أخي الكريم
بذلك أمطرت عسلاً وقبلت ترحاباً .

[عروق الدهناء]

سلام عليكم بركان ...
هذي صور مفبركة بالفوتوشوب وبعدين التصوير لك عليه لا ومنقولة بعد ..

انت جاي تلعب على حنا خخخخخخخخ


الا بيض الله وجهك وبستائذنك طال عمرك اني اخذها واغير السايز وبوديها للمطبعة لجل تزين ركن المجلس عندي ..
تعرف مقبلين على قيض عسى الله ينجينا منه ناره ومن نارجهنم اجمعين (( آمين )) وودك تتذكر ها الاجواء وها المناضر اللي تسر الناضر .. تسلم يمينك وكمرتك ..