تكفوووون بالربع ابي الفزعه

[صالح بن سعد]

السلام عليكم ورحمة الله وبركاته

ابي الفزعه يااخوان وين احصل قطعت الصاجه اللي يركبونها في الجيب النيسان الربع اللي تركب تحت القير ويسمونها البلاطه .
وهي تركب قبل ماترفع السياره بييات استرالي علشان مايطلع الصوت بعد الرفع .

[الثويرات]

اول شي السلام عليكم

هذا اول رد لي في هذا المنتى الطيب

هل انت تقصد انك تنزل المحمل حق القير عشان الحره ام لا

[صالح بن سعد]

هلا بك اخوي وعليكم السلام

ايه احسنت علشان انزل المحمل حق االقير والاسباب الحره

[الوافي عزام]

السلام عليكم ورحمة الله وبركاته

أخي صالح بن سعد
أخي الثويرات

هلا ومرحبا بكم جميعآ في منتداكم الرحلات

وهذي أبرك الساعات اللي تشرفونا فيها

وان شاء الله نستفيد منكم ونفيدكم

وبالنسبه لأستفسارك يا صالح بن سعد

أنتظر شوي وبتلقى الجواب الشافي ان شاء الله من خبراء تجهيز السيارات

و لآ تتباطاهم أنت خابر اجازه وربيع .... والربع كاشتين

وهلا بكم

[اليوكن الأسود]

وعليكم السلام ورحمة الله وبركاته:
حيا الله أخوي صالح بن سعد
أعرف واحد متخصص فيها بس وين مكانك

[صالح بن سعد]

الوافي عزام

مشكور على هذه الكلمات الطيبه واحنا والله اللي تشرفنا بالهوجيه الطيبه .

هلا بك اخوي اليوكن الاسود

انا مكاني ياطويل العمر بالرياض .

[الثويرات]

اخي صالح.

الصاجه الي انت تقول ماهي ضروريه شف بعطيك طريقه انا ضابطها شغل يدي عسى الله يخليه لي.هههههههههههههههه

انا وضعت ورد كل مسمار من مسامير المحمل حق القير وضعت به اربع ورد
يعني يبغالك 16 ورده بس لازم يكون نفس المقاس.

هذي الطريقه مسويها انا قبل 4 سنوات والحمدلله ماشف الى كل خير


لاكن عندي سؤال

انت رافع الموتر من خلف واجد او لا

اذا كان رفع عادي يعني 3 سم فماله داعي التعب ذا كله

واذ كان عند حره ياليت تشوف الصليب هل هو سليم اولا وياليت بعد تشحمه

اخوك \ الثويرات

[حامد الغامدي]

أخي صالح بن سعد، الثويرات:

ماهي الحره لأني الحقيقه مالي خبره ومعظم أجزاء السياره معرفتي بها بالأنجليزي‘ بارك الله فيكم.

[الثويرات]

الحره هي انك عند سرعة 80 وطالع تسمع صوت تحس انه من اسفل السيارة

والصوت زي كذا ور ور ور ور ور ور تحس انه يقول كذا

[صالح بن سعد]

هلا بك اخوي الثويرات
بالنسبه للموتر رفعته من خلف بيايات استرالي والجيب السفاري الربع انت عارف مايجي له الا مقاس واحد وبعد الرفع طلع لي صوت الحره قمت وفكيت اليايات .
والا باركب الليايات حقت الاربع ابواب اصغر مقاس لانه يجي ثلاث مقاسات .
وقال الفني لازم تنزل القير تركب البلاطه .

هلا بك اخوي مهراس .
ومثل ماتفضل اخوي الثويرات هذي هي الحره .

تحياتي للجميع