هذه مجموعة من القصااااااااااااااائد منتقيها نقاوه النبطي..ما كان من القصائد باللون الأحمر فأعرفوا أنها قصائد طير ومقناص..وما كان منها باللون الأزرق فتستاهل التقدير والقرأة..وما كان منها باللون الأسود فتكفون أقرووووووها ..والتصنيف على حد إعجابي بالقصائد ولكل ذوووووووووووووووووق..
أترككم مع القصااااااااااااائد..
1111111111111
قولوا لبو متعب ترى الشعب مقهـور=ياخـادم البيتيـن امسـك عصاهـا
ضاعت فلوس الناس مع كل هامـور=ومثلك يعرف البير ويعرف غطاهـا
من سي لاسوا وبين عاثر ومعثـور=وسهمك وهو سهمك رمـوه بخلاهـا
كيف اشكي العله على كـل دكتـور=والطب عندك وانت تعـرف دواهـا
ماخافوا الله خالـق النـار والنـور=حتى الأرامـل شاركوهـا بعشاهـا
يا قلبي اللي فيـه نيـران وحـرور=ضاقت علي دنياي وسكـر فضاهـا
سوقك بلون الدم باسبـاب مغـرور=يضغط على سابـك وكسـر يداهـا
بالعشر اواخر نرجي الذنب مغفـور=قامـوا علينـا قومـة ٍ مـا وراهـا
واعمار صارت دمها اليـوم منثـور=وخاب الرجا باعمار واللي رجاهـا
ياما بنينا فوقهـا ابـراج وقصـور=وراحت سدى والسوق دحدر معاهـا
كم شاب قال ابغى اتزوج من الحور=وافلس وبيره جـف ماشـاف ماهـا
وكم راعي اسره اصبح الصبح مفقور=العيد بكـره واسرتـه مـا كساهـا
وقمت اتفكر وادرس الراي والشـور=قلت ازبن لصقر العروبـه 0ذراهـا
بكلمه تجي من عنده اليوم مسـرور=والسوق يرجع عشب يروي ظماهـا
يادرعنا لا صار بالكـون عاصـور=كم صرخة ٍ للناس تسمـع صداهـا
يالحر يابن الحـر والحـر مخبـور=قاد الحرار الشامخـه فـي سماهـا
ما يلحقك يا سيـدي شـك وقصـور=لكـن رسالـه ياصلـك محتـواهـا
حيثك ابونا والرجـا فيـك موفـور=عدل شمـل كـل البـلاد وغشاهـا
جوني يعزوني على السوق ماجـور=قلت البقـا بالشيـخ يطفـي لظاهـا
ويرد لون السوق عشبي ويخضـور=مثل علـم دار السعـو د وصفاهـا
خيرك عميم وشاكر الناس مشكـور=ومزن الحيـا عـم البـلاد وسقاهـا
انت الرجا بعد الولي تدفـع الجـور=واسلم عساك تدوم وتحمـي حماهـا
القصيـده للشاعـر
عبد الرحمن المرخان
22222222222222222
جانا الوسم يختال والديره غدت مثل العـروس=باكر تبي تلبس من أزهــار الربيع ثيــابها
نبي نشوف رياضها اللي تاخذ العقل وتهــوس=يـرقص نفلها مع خزامها و تفز أعشابــها
الله لا قــامت تفل الشــال مثل العيــطموس=يــا كثر من ينشد عليها و يا كثر خطابــها
ياصاحبي والوقت يسرقنا و تشغلنا الهجوس=دور لنا من أصحابنا اللي ما تخون أصحابها
نبي نعيد الذكريات بزحمة الوقت العبوس=يوم النوايا البيض تفتح للقلوب أبوابها
خل ننسف الدنيا ورانا و المشاكل و الفلوس=لين نتناسا هموم دنيانا وننسى أتعابــها
تل الدبل يا صاحبي تله ودوس الــدرب دوس=جبها على ما نشتهي و النار من شبــابها
نبي ندوج بالفيافي و الخمايل و الطعــوس=والأرض غدران و ريضان تفوح أطيــابها
نشرب من أنفاس السحاب ونجمع الورد ونحوس=ونهيم بالصحرا و نستانس بطهر ترابها
يـــا صــاحبي نبي نهار ما يمل من الشمــوس=نبي مكـان مــا مـشت به حضرها و أعرابــها
طق الخــيام بخايعٍ لاجيته يسر الــنفوس=ياقف على جاله غدير من القطا و أســرابها
نجمع حطب ليل السوالف والقصايد والــدروس=والغـــانمين علومهم نفخر بها ونـــزهى بها
33333333333333
ابيات منقولة .. لا اعرف من قائلها .. ولكنها تستحق القراءة
يـوم أن بعـض النـاس طبـعـه مـدمـا=يـأكـل لـحـوم الـنـاس زور وضلـيـمـه
بـأعــراض خـلــق الله بــنــكٍ يـنـمــا=تـجـارتــه مــا مــن ورآهــــا غـنـيـمـه
عـــن مـنـهـج الأبـــرار كـنــه مـغـمــا=وعطبـان حتـى مـن لسـانـه نديـمـه
أذنــي عــن هــروج المقـاريـد صـمـا=مـــا صغيـتـهـا لمـروجـيـن النمـيـمـه
احفظ لسانـي واحفـظ النفـس عمـا=يهيـنـهـا وأصـبــح بـمـوقـف هـزيـمـه
وأصـيـر شـمـتـه للحـقـيـر المـسـمـا=الـلـي تحـلـى بالـصـفـات الذمـيـمـه
وعـن الوطـا مرقـاي فـي راس زمــا=عزيـز نفـس ولــي كـرامـه وشيـمـه
أقــراء الكـتـاب وحـافـظٍ جــزء عـمــا=مؤمن بمن يحيي الغصون الهشيمه
ولا أفـكـار غـيـري لا حـشـا ماتـهـمـا=عـنــدي قـنـاعـه مـاتـبـنـا العـقـيـمـه
ولا أفـعـال غـيـري يـامــلآ ماتـسـمـا=الا لــيــا جــالــي عـلـيـهـا وسـيـمــه
ولا أجـامـل المـخـطـي لإِمـــا وأَمـــا=لــي مصلـحـه ولا لنـظـره سقيـمـه
وفـي واجبـي حريـص مانـي معمـا=ابــذل جـهــودي والـنـوايـا سلـيـمـه
ميـر الزمـن ماهـو معـي بخـو شـمـا=ليا قلت يصفي يقفي السيـل ديمـه
مـــــره يـهــادنــي ومـــــر يـتـحــمــا=عـلــي واصـمـد لـه وكـلــي عـزيـمـه
أكــابــده بـالـصـبـر والــعـــزم لــمـــا=ياتي فـرج محيـي العظـام الرميمـه
444444444444444444
ابيات سمعتها منشدة بصوت المنشد "حامد الضبعان" في شريطه الأخير (اطلال)
وحبيت اني أهديها لكم أحبتي في منتدانا الغالي
تذكرت الزمان اللي مضا لي يوم جن الليل =تذكرته وأنا عيوني من دموع العنا غرقا
تهل دموعي الحره على هاك الزمن وتسيل =على خدودٍ محرقها على أيامها حرقا
زمانٍ فات يا طيبه احب اهله واحبه حيل=وله في خافقي ذكرى بدم عروقنا تسقا
الا يا ليلي سامرني ترا ما عاد فيني حيل =ولا لي خل يسعدني ولا لي صاحب يلقا
الا يا ليلي ابعدنا وعقب العز ذقت الويل=تفرقنا وما كنا نحس بطاري الفرق
الا يا ليلي اقفى جيل واقبل في سنيني جيل=ومن حبيتهم اول على عهد الوفا باباقى
الا يا ليلي ذكرني بهم نجم الجدي وسهيل=وذكرني بهم رجم اجي له ضايقٍ و ارقا
الا يا ليلي غصب ابكي وراسي من بكاي يمل= والا من ناحت الورقا اجاوب نوحة الورقا
5555555555555555555555
هدية لكم أحبتي في منتداي الغالي
وأيضا الكلمات من شريط (أطلال ) .. ولست أعرف قائلها !!
جيت المكان اللي بوسطه تربيت= بيت قديم مأسسينه من الطين
باطراف ذاك البيت بالفكر سجيت= ذكرت وقت ماضي لي من سنين
قمت انثر العبرة من الدمع هليت= ضيقه بصدري رافقت دمعة العين
تبقى بك الذكرى ولورحت واقفيت= ابكي على الاطلال لو مابقى شين
باقي بك اشياء ذكرتني وحنيت= الزير وفراشي وبعض المواعين
واذكر سراج كان يضوي لنا البيت= على سنا ضوه نلف الميادين
ياكم ليله عشت فيك وتهنيت =ياكم مضى لي بك من العسر واللين
يابيت ياللي في خفوقي تعليت= اليوم باركانك تنام الثعابين
ليتي اعيد اللى مضى واسكنك ليت= لولا الظروف وقسوة الوقت هالحين
مانساك مهماغيرك اليوم سويت= ومهما ملكت من الفلل والملايين
6666666666666666666666
عنوان القصيده
"يا عقاب"
مع الشاعر/ خالد العتيبي ...مرة أخرى
يا عقاب مدري مدح والبستك اوشاح = والا الرموز يْحلها من طرقها
يا سيّد الزرقا تعلّي ومرواح = لن سقتها مع قبة الكون سقها
تكّي بصدرك للذعاذيع وارتاح = وافلج محاديب السحايب وفقها
خلّ السواري عنك وانزاح وانزاح = واعلا مراقيبٍ على الجدي وقها
مثلك ليا ستّل جناحه مع الضاح = وارخى سمار الريش في معتلقها
استسلمت كل الجوارح لمن شاح = عنها وجدّد من علّوه رهقها
سيفٍ ليا جرّد على الصيد ذبّاح = وموسٍ ليا ناش الضوافي حلقها
اهواي نجم وكفختك بارقٍ لاح = وتكبيرة الميت على اللي لحقها
وما بين مخلابك وفلاج الاصباح = بيض الثنادي قبل يرهج علقها
زوعتك سيل وطعنتك عَيْلم ارماح = من مخلبٍ واليا صفقها صفقها
لا ملت شلت ولا تواسيت وان طاح = ضلّك على كبد الطريده فلقها
والا ليا نشت الخريشه من الراح = ما كن ربك بعد تدمي خلقها
واليا شلعت وجالك صْياح وطْياح = كنّك وكنّ اللي ذبحها وفقها
وصف الاصيل اللي ليا لز طفاح = هذي توطاها وهذي فهقها
عن بعد حر ولا تقاربت سراح = وان جيت عبد اضنى الحرار وعتقها
واخطا عليك مْسمي الصقر يا صاح = بالحر وانت الحر للي فرقها
وشلون حر وجذب راسه بْملواح = عيشه على كف الرجال وْعرقها
وانته سندك عْضود وصْعود وجْناح = وحداد سم الطايره في شنقها
ما ذلّك البرقع ولا ردّك صْياح = ومن حيث ما تبغى مع الكون سقها
77777777777777777
وأقدم لكم هذه القصيدة اللتي أعتبرها الأولى بالنسبة لي ، وهي رائعه من روائع الإمام تركي
العبدالله ، مؤسس الدولة السعودية الثانية :
طار الكرى عن موق عينــي وفرا
وفزيت من نومــي طرا لي طواري
وابديت من جاش الحشــا ما تدرا
واسهرت من حولي بكثـر الهذاري
خَــطٍّ لفانـي زاد قلبــي ابحرا
من شاكــيٍّ ضيم النيـا والعزاري
سر يا قلــم واكتب على مـا تورا
أزكــى سلامٍ لبن عمــي مشاري
شيخٍ على درب الشجاعـة مضرا
من لابــةٍ يوم الملاقــى ضواري
يامـا سَهـرنـا حاكــمٍ ما يطـرا
واليوم دنيـا ضاع فيهــا افتكاري
أشكــي لمن يبكي له الجُـود طرا
ضراب هامـات العــدا ما يداري
يا حيف يا خطـوا الشجـاع المضرا
في مصـر مملوكٍ لحمــر العتاري
من الــزاد غادٍ لـه سنـامٍ وسرا
من الذل شبعـانٍ من العــز عاري
واشعاد لـو تلبــس حريــرٍ يجرا
ومتـوجٍ تاج الذهــب بالـزراري
فدنيــاك يا ابن العـم هـذي مغرا
ولا خير في دنيـا تـوري النكـاري
تسقيــك حلــو ثم تسقيــك مرا
ولذاتهــا بين البرايــا عـواري
أكفــخ بجنحـان السعــد لا تدرا
فالعمــر ما ياقـاه كثــر المداري
ما في يد المخلــوق نفــعٍ وضرا
وما قدر الباري على العبـد جاري
واسلــم وسلـم لـي على من تورا
واذكر لهم حالــي وما كان جاري
إن سايلــوا عنـي فحالــي تسرا
قبقب شراع العــز لو كنـت داري
اليــوم كلٍّ مــن عميلــه تبـرا
وحطيت الاجرب لي عميـلٍ امباري
رميــت عني برقــع الــذّل برا
ولا خير فيمــن لا يدوس المحاري
نعـم الرفيــق إلى سطــا ثُم جرا
يودع مناعيــر النشامــا حباري
ونزلتهــا غصــبٍ بخيـرٍ وشرا
وجمعــت شملٍ بالقرايــا و قاري
وحصنـت نجدٍ عقـب ما هـي تطرا
مصيونـةٍ عن حـر لفــح المذاري
والشــرع فيها قِد مشــى واستقرا
ويقــرا بنا درس الضحى كل قاري
زال الهـوى والغــي عنهـا وفـرا
ويقضي بها القاضي بليـا مصاري
وإن سلــت عن من قال لي لا تزرا
نجـدٍ غــدت بابٍ بليــا سواري
ومن أمن الجانــي كفــا ما تحرا
وتازي حريمــه بالقرايـا وجاري
واجهــدت في طلـب العلا لين قرا
وطاب الكـرى من لابسات الخزاري
ومن غاص غبــات البحر جاب درا
ويحمد مصابيــح السرى كل ساري
وأنا أحمـد اللي جــاب لي ما تحرا
وأذهب غبار الـذل عنــي وطاري
والعمــر ما يــزداد مثقــال ذرا
عمر الفتـى والرزق في كـفّ باري
وصـلاة ربي عــد ما خــط قرا
على النبي ما طاف بالبيــت عاري
8888888888888888888
خلوني ارقـى عاليـات المراقيـب=في تختخ ما حولـي الا الهبايـب
في عالي مدهال عكـف المخاليـب=شقر الحرار اللي تعلـى الرقايـب
واسلى من هموم سواة المغاليـب=صكت علي ما بين مخطي وصايب
واشوف روض فيه حرش العراقيب=خطل الايـادي زاهيـات الجنايـب
جرد الرقاب اللي عليها الكلاليـب=هزع الفقـار ونابيـات الترايـب
فجح من السيقان سود الحنازيـب=وساع النحور بشوفها البال طايـب
فنس الخشوم اللي ذنيها نواصيـب=روس السهوم مركزات الحرايـب
ذود لنا من عاد وقـت المكاسيـب=ماجات في سوق الجلايب جلايـب
اليا مشت تبري الجروح المعاطيب=كنها على الممشى تقـود الكتايـب
يازينها في ساقة السقس والجيـب=في فياض نجد اللي سقته السحايب
والعمـر مـره والليالـي مكاتيـب=والموت حـق والمنايـا سبايـب
وانا من الدنيا خذيـت التجاريـب=توني شباب وفي التجاريـب شايـب
اقدر اللـي يقـدرون المواجيـب=من قاصي العربـان والا القرايـب
وابعد مجالي عن ربوع العذاريـب=قلال الروابـع تابعيـن النسايـب
ياقربهم اليـا صفـن المشاريـب=ويابعدهم عنـد احتكـام النوايـب
خليل بن هدلان
99999999999999999999
يامعذربين أهل القنـص بالبهاذيـل =خوذوا هـروج اللـي لغاكـم يعلـه
إن سهـل الله بالليالـي المقابـيـل =ديوانكـم مـا عـاد رجلـي تدلـه
باكر اليا من بدل الجـو تبـد يـل =وجه الشمـال وبـث بالكـون غلـه
ليا قام من عقب البطا يزحف الليل=علـى النهـار بساعتيـن ويسـلـه
عقب التو يبع والكليبيـن وسهيـل =لاصرت بظلال الضحـى مـا تملـه
ليا فارقت خضر الجريد المحاصيل =وشفت مقعاد العصـر طـال ظلـه
هـذاك والله دورنـا يالعـواذيـل =يا للـي طربكـم صـورة بالمجلـة
أنا طرب قلبـي هذيـك المداهيـل =إذا صـارت الحـرة علينـا مطلـة
غربي مهير بين ذيـك الشخاليـل =وقت العبـور وصيدهـا حـل حلـه
لاجت ابن جليغم علـوم ومراسيـل =وجابوا علـوم الصيـد دقـه وجلـه
ثم انتوينـا مـع رجـال حلاحيـل =النفـس معـهـم دايــم مسفهـلـه
كـل يجهـز موتـره بالتدابـيـل =يبـي ليـاراحـت عليـهـم يتـلـه
ربعاً نشامـا بالمواقـف رجاجيـل =ولا الـردي معنـا شحيـح محـلـه
وقت المغدا كـل ابوهـم شواغيـل =محداً حسـب خدمـة خويـه مذلـه
كبيرهـم لادار بيـض الفناجـيـل =من خـف روحـه بينهـم زان دلـه
منزالنا قـاع عسـى فالـه السيـل=عقب الحـروره وكـل روض يبلـه
قـاع توسـع خاطـري بالتعاليـل =اشيـع فيـه ماكـل الـخـد كـلـه
يطب من نكل بـه القيـض تنكيـل =اللـى يحسـب ظاهـرات الاهـلـه
يا عاذ ليـن القلـب والله ماشيـل =عديـت كـل نجومنـا المستجـلـه
راعي الولع من كثر ما يرقب سهيل=كنـه خليـل فاقـد شـوف خـلّـه
ابو خالد(حمد العبد الكريم السعيد) ....منقول عن الخيمة الشعبية
صح لسانك يبو خالد
10101010101010
للشاعر عقاب بن مصقال السهلي
واطيري اللي مانبي غيره خيار***حر كما وصف ثلاث بوفاها
عدل المناكب لابرق الريش حشار***لاشاف حفال الحباري نصاها
يودع بديد الريش بالجو نثار***وعينه كما عين العديم بسناها
ليا انطلق يكرك تو الخرب ماثار***وصكه بكفه والثنادي فراها
هديته عصير واثر طلعه طيار*** طالع خلوج مقفيه واقتفاها
وسقت الونيت بساقته حد الاسفار***والارض ماانظر رملها من حصاها
بس العيون بساقة الطير سمار ***ونظرات عيني شاطحه في سماها
والشمس غابت وحال من دونها ستار***ليل غشى روس الجبال وغطاها
وامسيت بالحروة وبس اقعم النار***واقول كود اللي يجيبه سناها
واصبحت في راس الطويلات سبار ***ولابه طويل الا ونيتي رقاها
واصيح بالملواح واقول نصار***واصيح صيحات يجلجل صداها
وانكفت ميس منه من عقب ماصار***ونصار مدري وين دار نواها
تكفون ياللي مولعين وصقار***وحروات طيري تضربون بحراها
ترى وصوفه بينه ياهل الكار***اوضح من شمس الضحى في ضحاها
اشقر وفيه دقات رشات صغار***بياض على ذيك المناكب زهاها
حرش كفوفه مخلبه تقل شنكار***افجح حنف هجر الكراع بوفاها
تضفي سراويله على الوكر لادار***وحجول سبقه من رهاها يخطاها
والزور طالع والثنادي له كبار***متفهن الجنحان عدل سواها
وعنقه طويل وجوهره يعيط انوار***لاقام يهاوز طلعته وانتواها
افدع تقول جفون عينه صبر نمار***والعين عين اللي غضبها ملاها
عين العديم اللي حضر صيحة الجار***فادى بنفسه والقوافي نساها
عسى عجبتكم؟؟؟
ابشروا بالرد الثاني أو العشرية الثانية
المواضيع المتشابهه
من أروع القصائد النبطية ...((1))
العرض العادي
