الثلوج في شمال المملكه .... صور ......... أبو شعلان ...

[ثامرالماضي]

بسم الله الرحمن الرحيم

البارح سيّرت على خالي وأخذنا وعطينا بالسواليف ... ومير يدخل يده بمخباته بحركه يابانية سريعة ...
وأنا أقحص بمحلي وقلت بصوت مرتفع والله إني ماسوت شي ياخال قال : خير إن شاءالله عسى ماشر وش جاك
قلت : أبد أحسبك بتطلع مسدس من مخباك >>>> مايزبن أبد ...
عاد يوم طلع يده ولاه جوال عاد أنا جلست وقلت شكله جاك صور زينه ياخال
قال : شف وش أرسلولي ربعي أهل الشمال عاد يوم إني شفت الصور قلت أشوفهن بلحالي ...
لا والله شينه وربعي بمنتدى الرحلات ماشافوهن ... قال بعدي عاد أرسلتهن لجوالي وبعدين نقلتهن لكم

هاكم إياهن وتمقلوهن زين ... وإحمدوا الله على هالبرد اللي عندكم ...

هذه الصور على الحدود السعودية العراقية وإلتقطت يوم الجمعة 11 / 12 / 1428هـــ

الله يلطف بحالهم شكل البرد قاسي بالحيل ...

أتمنى أن تجوز لكم الصور

,,,,,,,,,,,,,,,,,,,, تحياتي ,,,,,,,,,,,,,,,,,,,,

[ريع الدياب]

متأكد يابوشعلان ؟؟؟
ترى هالأيام فيه مسدسات على شكل جوالات
الله ستر ... بس خالك يعزك واجد هههههههه

أثره البرد جاينا من العراق وأنا من أول على بالى من الأردن وسوريا

[ابو سعد الرويس]

يالله سترك االشاص اختفى

ما قصرت يبو شعلان

والله يرزقنا بالخير

[Abdullah K. AL-Hassan]

الغالي

،،، أبوشعلان ،،،

بارك الله فيك وجزاك الله خير
الله يلطف بحالهم تلوج وبرد ...هذا وحنا نقول الرياض برد ...

الله يعينهم ويعين الأخوان المسلمين في العراق وفلسطين ..

أللللللللف شكر يالغالي
تقبل مني خالص الود والتقدير والمحبة
أخوك ومحبك في الله عبداللخ

[عبدالرحمن الدرويش]

أبو شعلان.. هلا وغلا

وما شاء الله تبارك الله

ثلوج ثلوج.. وأنا أطالع الصور أنتفض من البرودة

وما أقول إلا يا رب سترك

أبو شعلان.. ما قصرت

والله يعطيك العافيه

أخوك.. أبو فهد..

[قناص الحبارى]

أخوي الغالي / أبو شعلان :::::

يارب ســـترك يارب ..
الله المستعان ,,,,,,,,,,,,,,,,,,,,,,,, يابو شعلان ...... هذا البرد أكيد في السعوديه ..........؟؟؟؟!!!!

وحنا جانا شوية برد .... وتناقزنا لم الدفايات وشبينا الحطب...............


الله يستر عليهم .... وسلم على خالك الله يخليه لك .... ووصله السلام وحب خشمه .... وقله وش رايك نعينك مراسل للرحلات بالشمال ........... ؟؟؟



جزاك الله خير يالغالي ....


ومثل ما قال أخوي ع.ف.الدرويش ...... وأنا أقرى الموضوع ..((((( زكـــــمت ...)))))



أخوك/ قناص الحبارى

[فيصل الضويحي]

ماشاء الله
الله يلطف بنا بس

مشكور اخي والله يعطيك العافيه

[شموخ]

الله يلطف بالعباد


صور تجيب البرد زيادة


يعطيك العافية يابوشعلان

[الصلبوخي]

وعليكم السلام ورحمة الله وبركاته

جزاك الله خير اخي الكريم ابوشعلان

نسأل الله ان ينجينا من زمهرير جهنم

والله يعينهم على البرد

كل الشكر والتقدير

دمت في حفظ الله ورعياته

[محمد المعارك]

سبحان الخالق
كنك بالقطب الشمالي

ليلة السبت كنا بالنفود الكبير وسجلت درجات الحرارة درجة قياسية ( ست درجات تحت الصفر)

مشكور اخي ابو شعلان ...

وبارك الله فيك.

[خوي_الذيب]

أبو شعلان

بردنا بالحيل!!!

وحنا نشوف الصور

كيف اللي هناك

بس باين ان ما فيه بررررررررررررد

لأن الرجال مستانس وهو يسوي دب الثلج

واللي اعرفه والله أعلم إنه إذا نزل الثلج هذا الخفيف يكون وقتها مافيه برد ولا انا غلطان ؟

صور جميله

تشكر عليها

وفقك الله لما يحب ويرضى

[عمار السفينه]

ماشاء الله تبارك الله

وش ذا الزين يا ابوشعلان

صور تبرد القلب

والله يلطف بالضعوف هناك

ولكن صورة ابو شنب شيء ثاااااااااني

ماشاء الله

وسلمني على خالك تكفى

[راعي كيف]

السلام عليكم
هلا ابو شعلان اول ماشفت الصور جتني رعشة وحسيت بالبرد يالله إنك تستر علينا وترحمنا برحمك ياارحم الراحمين
ياحبيلك يابو شعلان شكراً على البرد قصدي الصور.

راعي كيف
ابو ناصر

[احمد الثقفي]

مشكور يابو شعلان
والله يعينهم على البرد

تحياتي

[محمد الديحاني]

الله يطلف في العباد هذا البرد الله يكفينا شرة وكل مسلم.....