مالذي بداخل الصورة

[ابو واسم]

السلام عليكم / حبينا يا شباب نوسع خاطركم شوي , و بسأل وش تشوفون داخل الصورة ,
راح يجيكم الجواب بعد أسبوع
الصورة ملتقطة في مقناص ,

[ثامرالماضي]

هلابك أخوي أبو واسم

أتوقع والله العالم إنه ( شنّير )

الدائرة الحمراء

بشّر

[ريع الدياب]

آه منك يابوشعلان ... سبقتنى

[خالد الشريهي]

الله يعطيك العافيه اخوي ابو واسم

انا ما شفت شي اول ماطالعت الصورة بس بعد ما رد ابو شعلان كاني شفت اللي بالدائره

تقبل أجمل تحية

[حرمل]

مثل ما اشار إليه الاخوان بالدائرة

هو طائر الحجل

ـــــــــــــــ

ليت يابو شعلان ولا عليك امر تعطينا صورة لإسم الطير اللي اشرت له ( شنّير ) من باب التعريف

[الخلف]

وعليكم السلام ورحمة الله وبركاته

من سبق لبق وصادها ابو شعلان
ذيبان

[ثامرالماضي]

صحيح من سبق لبق هههههه

حرمل هذا طير كنه الحجل له أسامي كثيره منها :

الشنير ــ القهد ــ العقايب
ويتواجد بجبال الجنوب بكثر

وهذي صورته




الحين كن الأجابه صحيحه يوم حنا نتناقش بالموضوع هههههه

ننتظر أبو واسم

[حرمل]

ما قصرت يابوشعلان على المعلومة بارك الله فيك

لكن مواريها حجل ولا هو طالع عن اللي ذكرتهم

الشنير ــ القهد ــ العقايب
ويتواجد بجبال الجنوب بكثر

[ابو واسم]

حياكم الله يا أخوان , وصحة ألسنتكم , حجل , وأنا عارف أنكم راح تشوفونة
بس أنتم جبتم ,شئ واحد , وتركم أشياء كثيرة , مع الحجلة , أشياء لها دم ولحم

[حرمل]

مجرد تخمين وبران مع ها الحجر الادغم الصورة موب صافية

[ريع الدياب]

هاه يابو واسم ... فيه غيره بعد ؟

ترانى سبقت أبوشعلان هالمرة

[ابو واسم]

الأخ حرمل والأخ إسماعيل , مالكم لوا , , مهي وبران

[ثامرالماضي]

أبو واسم كني أشوف أرنب وجهها يمك وأنت تصور

بالدائرة الحمراء

[القطار]

ما يجيبها الا صياد وابو شعلان خير من يفعلها

اتذكر واحد من الربع شوفه شجر ، لكن ياجماعة والله يقز القميرية من بعد كيلو
ويوم سألناه قال الخبرة لها دور كبير في ذااااالك.

هالمسابقة نشطت الكسلانين بالمنتدى ولاتنسى اخوي واسم تجيب لنا وحدة نبي ننافس ابو شعلان.

تقبل مروري واعجابي.

[ابو واسم]

يا شباب أبعطيكم الحل , مع إن الأسبوع ما إنتها
فيه طير حجل معها من11 إلى 13 فرخ , ظربت الحصى ألي في الصورة , يوم شافتني , وكنها ما خلقت , كيف أختفت ما أدري , لكن يوم راقبتها , وليا أنها بين الحصى لا زقه ,طريقة تخفي حيرتني عند فراخ الحجلة

شوفوا بعضها , وأنا نفسي مني متأكد من الدوائر , الصورة بعد ما طلعن