 |
18-11-07, 09:26 PM
|
#1
|
|
|
عطونا الدوج نسحب هالسيارة المغرزة
مسّاكم الله بالخير جميعاً
ياجماعة الخير .. ها الأسبوع صادت عدستي سيارة مغرزة حتى الثمالة 
يعني وش تتوقعون حالتها التغريزية ؟؟
تتوقعون السيارة متعلقة بالدفرنس .. السالفة أكثر من ذا
الجنوط مختفيات بالرمل .. بعد السالفة أكثر من ذا
الكفرات بالكامل مختفيات .. كمان السالفة أكثر من ذا
الرفارف نصفهن مختفي بالرمل .. برضه السالفة أكثر من ذا
نقول الرفارف بالكامل مختفيات .. يا همّلالي وين عايشين أنتم .. أقولكم التغريزة خطيرة
طيب .. وش رايكم نعطيكم اللقطة ثم نسولف عنها شوي .. خوذوها : 
.
.
.
.
.
.....هذرلوجيا حول اللقطة .....
قبل كل شي .. خلوني أعلمكم وين مكانها
مكانها بالتقريب .. شمال شرق الطريق الجديد ( قبة .. سامودة ) بمحاذاة الدهناء
وهذا المكان تحديداً .. كان صعب الوصول قبل هذا الطريق الجديد .. فهو في منطقة ليست مرتادة غير النادر والقليل جداً ..
لأن ( مقطع ) الدهنا بعيد نسبياً عن هذه المنطقة .. ولأن المنطقة المحاذية من التيسيات وعرة التضاريس حتى مكان هذه السيارة ..
وأمام هذه السيارة أصبح عقلي وتفكيري عاصفاً بكم هائل من التساؤلات الفضولية .. شاركوني هذه التساؤلات
- أين صاحب السيارة وماذا يفعل هو الآن .. وهل هو متوسط العمر .. شيخ كبير .. حي .. متوفي .. هل عاود الرجوع إلى أطلال سيارته ؟
- كيف كانت تلك اللحظات التي هجر فيها سيارته .. وهل هي ( مخبطة ) أم ( مغرزة ) أم تشتكي من عطل يسير
جعل منها تتوقف وجهل صاحبها هذا الأمر فهجرها بعد مرات ومرات من المحاولات الغاشمة .. طبيعة ذلك الجيل .
- هل حدث هذا الفراق بين السيارة وصاحبها في فصل الصيف والزهق كما أعتقد ؟
- هل مكانها البعيد والصعب قليلاً .. ساهم بشكل كبير في سهجها ؟
- كيف ساوت السيارة بهيكلها سطح الأرض ؟ هل زحفت الرمال ؟ أم غاصت السيارة بفعل الرياح ؟ أم ماذا ؟
- عندما كانت عجلات هذه السيارة في نضارة الشباب .. كيف كانت الأرض التي تدوسها .. الأشجار .. الربيع .. الحياة ؟
- من يخبرني عن سنة الصنع .. موديل السيارة كم .. وحين عانقت ضريحها هل كانت بعافية الشباب ؟
- من الأقدم في الصورة .. السيارة أم الشجرة ؟
؟؟؟؟؟؟؟؟؟؟؟؟؟؟؟؟؟؟؟؟؟؟؟
يعطيكم العافية ,,,
|
|
|
|
|
18-11-07, 09:49 PM
|
#3
|
|
|
هلا بابو فالح، حياك الله وماشاء الله عليك تخلق موضوع من لا شيء، وفيه رياضه فكريه نوعا ما، شكرا لك على هذا الأسهاب في قصة السياره وصاحبها، وهي من نوع الداتسون كما هو ملاحظ في هيكل الغماره والنافذه الخلفيه. تقبل تحياتي.
التوقيع
((((((((((((((((((((((((((((((((( ))))))))))))))))))))))))))))))))))
((((((((((((( )))))))))))))))
|
|
|
|
|
|
18-11-07, 10:08 PM
|
#4
|
|
|
مشكور أبو فالح على هذا السرد الجميل
واعتقد ان السيارة نوعها دوج لأن هذه النوعية من السيارات بالذات هي اللي تتعطل وتخون صاحبها في أحلك الظروف
خاصة اذا كانت مارة ومشيكة عند فور باي فور
التوقيع
دع المكان أفضل مما كان
|
|
|
|
|
|
19-11-07, 03:58 AM
|
#5
|
|
|
بسم الله الرحمن الرحيم
ابو فالح مبدع في الاستفاده من اي موضوع
يسلملي هالفن
بالنسبه للسيارة مثل ماقال ابوفهد تبدو داتسون في السبعينات والله اعلم
مشكور يابو فالح ولاتخلينا من هالافكار النيره
التوقيع
|
|
|
|
|
|
19-11-07, 06:19 AM
|
#6
|
|
|
بسم الله الرحمن الرحيم
أي دوج الله يجزاك خير يابوفالح ...أنت تبيه يصف بجنبه ... أقل شي قل أي موتر تويوتا لوهي كورلا يمكن تسحبه 
لكنك تبالغ هالمبالغه وتقول دوج لا لا يابوفالح مالها داعي  ...
عموماً هذي السياره نيسان ددسن ... وسبحان الله دائماً النيسان والدوج ... هو اللي يقولون إنه يتلفت بالبر
وإذا مالقا حوله أحد خرب وقال هذا مكاني  ...
مشكور يابو فالح على هالاسلوب الرائع ... وهالصور أبدعت منها موضوع ...
لاهنت يالغالي ...
وننتظر جديد ...
,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,
التوقيع
|
|
|
|
|
|
19-11-07, 06:40 AM
|
#7
|
|
|
مشكور يابوفالح على عنوان الموضوع ..... الدوج تحت آمرك .... والوعد عند
الصوره والتجربه أكبر برهان ( على الاقل نحصل على طلعه جميع ) والوحش بما انه
مكتسح الساحه على المواتر لذالك تجده محارب من كل ناحيه وخاصة خشم الحصان
وأبوشعلان ... وأدعو العزيز الكريم أن يفتنهم بالدوج ويحببهم به :
كثر مايحب خشم الحصان العشه الله يباركله به .
وكثر مايحب أبوشعلان الطيور ويرزقه الحبارى ورا الحبارى وكل ماهد الطير لقى له ثانيه .
السياره من موديلات اللي عصا القير يروح للباب الثاني ويرجع ...... .
وراعيه الله يرحمه حي ميت .... وأحتمال أنه لاأحد البدو الرحل وكانت تستخدم للماء أو للعلف وبدون ماكينه ولاهناك حسوفه عليه لذا فضل تركه ... ( الرد بكلمات رسميه وبوسطه كلمات عاميه ... ) .
اقتباس:
المشاركة الأصلية كتبت بواسطة أبو شعلان
بسم الله الرحمن الرحيم
أي دوج الله يجزاك خير يابوفالح ...أنت تبيه يصف بجنبه ... أقل شي قل أي موتر تويوتا لوهي كورلا يمكن تسحبه لكنك تبالغ هالمبالغه وتقول دوج لا لا يابوفالح مالها داعي ...
عموماً هذي السياره نيسان ددسن ... وسبحان الله دائماً النيسان والدوج ... هو اللي يقولون إنه يتلفت بالبر
وإذا مالقا حوله أحد خرب وقال هذا مكاني ...
مشكور يابو فالح على هالاسلوب الرائع ... وهالصور أبدعت منها موضوع ...
لاهنت يالغالي ...
وننتظر جديد ...
,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,, |
التوقيع
|
|
|
|
|
|
19-11-07, 08:21 AM
|
#8
|
|
|
ألف شكر لك يابو فالح
ما تعوق معك المواضيع
طلعت لنا موضوع أكثر من رائع من ددسن موديل75
تذكرت بيتاً لأحد قاله أحد الشعراء لأحد الخلفاء العباسيين
وبصراحة نسيته كله
خلن اتذكره وارجع لك
|
|
|
|
|
19-11-07, 11:02 AM
|
#9
|
|
|
كل مرة نطلع نشوف مثل هالسيارات المدفونه
ولا عمرنا فكرنا أوتسألنا مثلك
لكن انت ماشاء الله عليك طلعت بموضوع رائع
ومن رايي ان الدوج ما يقرب يمه من شان مايصف بجنبه
تسلم يابوفالح
التوقيع
اللهم إني أعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال
|
|
|
|
|
|
19-11-07, 12:01 PM
|
#11
|
|
|
|
|
|
|
|
19-11-07, 12:25 PM
|
#12
|
|
|
مشكور يابو فالح
يقول الشاعر
الدوج دجو هله باسبوع عجزو عن التتن يشرونه
وان شاء الله امورك زينه ياشايب الصمان وتعزمنا بلك طلعه شتويه يشعم ابو فالح نيرانها
ويشعل شعار المنتدى شيلاتها
|
|
|
|
|
20-11-07, 08:00 AM
|
#13
|
|
|
التوقيع
ححححححححححححححـ تلميــذ
|
|
|
|
|
|
20-11-07, 02:58 PM
|
#14
|
|
|
مسّاكم الله بالخير
رعد وبروق
مالك لوا .. لو كان التهريب بالدداسن ماصار للدوج قدر ولا حشمة .. الدوج هو زبون الصمايل وقطّاع الوعر 
<< أكذب عبارة قالتها العرب 
مهراس
مراحب ياخوي .. وزي ما تفضلت السيارة ( ددسن ) .. لكن تقدر تعطينا كم موديلها ,, يعني تقريباً
إلاّ تعال .. وش سالفة هالبعير الخرمان شاهي في توقيعك ..
الجارمن
ياظالم .. الدوج مستحيل يخون صاحبه .. يعني همّن إذا تعطل ثلاث مرّات في خمس طلعات .. وش صار
عموما .. استغفر ربك ثم اعتذر من العم شايب الصمان
ابوصقر
تسلم ياغالي .. وشهادك وسام أنا مستانس فيه
لكن إذا كانت الددسن في السبعينات .. وهل تجد تفسيراً لمساواتها الأرض
عموماً .. سيارات السبعين سمعت أن أسعارهن وكالة ثمانية آلاف كاش وأقل من كذا .. عندك تأكيد لهذا
|
|
|
|
|
20-11-07, 03:53 PM
|
#15
|
|
|
الغالي
ابو فالح
انت احد الرجال الذين يسحبوننا على وجيهنا
لمتصفحك لما تمتلكة من ابداع وسرد جميل
لاعدمناك الامير
أخوك
|
|
|
|
|
 |
|
المواضيع المتشابهه
العرض العادي
