رحـلـــة قـــد لاتـــصــدق 0000 تـــعــال وشــف بــعيــنـك 000 راعي الهـــدد

[راعي الهدد]

بسم الله الرحمن الرحيم

الحمدلله والصلاة والسلام على رسول الله وبعد /

أخوتي الأعزاء 000

أخوتي الأحباب 000

أخوتي الكرماء 000

أعضاء ومشرفي الرحلات

السلام عليكم ورحمة الله وبركاته

في الحقيقة كانت الوجهة لما يسمى بمزاين ام رقيبه

في الأصل كنت اسمع عن المزاينات

بأن الإسراف والتكبر والعنجهية والجاهلية الخرقاء متواجدة فيها

ولم أجزم بصحة هذا حتى وقفت بنفسي هذا العام

على هذا الجرح النازف من كبد أمة قد آلمها وقع رصاص العدو

لم افكر في يوم ما ان أذهب لأحد تلك المزاينات

ولكن قدر الله وماشاء فعل

أحد الأخوة الأحبه دعاني للقدوم لمخيمه العامر بالطاعة هناك
(( رجل باع واشترى في الأبل ورزقه الله الملايين ولكن لم يتكبر ويركب الجاهلية ))

ذهبت تلبية لدعوته واخي الغالي ابو عاصم

واليكم الصور أوثق وأكمل من أي بيان

والصورة خير برهان

(1)

في تمام الساعة التاسعه صباح الخميس توجهنا لأم رقيبه

وهذه لوحة الأرطاوية

(2)

قبل هذا وذاك لابد من التزود بالوقود

تخبرون العالم هناك ما أحد ينفع أحد بس اعيونهم طايره بهالبل

شف شف خشمها وش زينه

شف شف تكفى ماهوب ارقبتها ازين من ذيك

ويتخاصمون لعشان خشم ناقه وذنبها

(3)

الخط ياكافي طبعاً زحمه وموت وجحيم لايطاق

والمحطات فل وتمسك سرا على كل شي

عموماً الله يرزق الناس من بعضها ولله حكمه

(4)

في الحقيقة ماصدقت قلت وش هالمدينة

وش هالديرة ماصدقت ان هذي ام رقيبه الي يقولون

أنظر الصورة أدناه

(5)

وهذا أول ام رقيبه فال خير

مابه الا وشلون امص فلوسك 000؟؟

وكيف اتعنتر واتعلق بمخباتك 000؟؟؟

وشوفوا الصورة ادناه وهذا يقول عن نفسه انا بتاع كـُلـُه

(6)

وجدت هناك شخص يقال له ابو دخيل او ابو علي على ما أضن

وهذي صورة من سيارته لجلب خلق الله يشترون منه

وضع ترثيات وطريقة حلوه لجلب الزبون

مع وجود بعض التقليد المحرم للأصوات وغيرها

(7)

تغدينا عند الغالي ابو عبدالله الله يديم له الخير والرزق

وتمشينا عقب الغدا

لأخذ جولة وحكم عام عن هذا المسمى زوراً وبهتاناً بالمزاين

المهم تمشينا الين قلنا بس وفهمنا الواقع كما هو

وقبيل المغرب تشاورنا قلنا نمسي والصباح رباح

شوفوا العالم كيف متكدسه كلهم يبون يشوفون راس الناقة الجميل

(8)

عجزنا نفتك من الغالي ابو عبدالله الله يغفر له

ولا ذهبنا منه الا العاشرة صباحاً

قلنا وين الوجهه الصدور ضايقة من هالأمور الي مالها سنع

قلنا ياولد طب الدهنا ووسع صدرك

وشب لك ارطى وتقهو وتغد وتعش وعين من الله خير

ومسكنا طريق مشذوبة ثم هزعنا يسار وطبينا بقلب الدهنا الشمالي

وهذا اول موقف لنا ويالله فاتحة خير

(9)

طبعاً أخس شي بالبر وش تتوقعون 000 ؟؟

الجوال والله ياهو قلق

من الضيقة حذفته جنب العفريته قلت عساك للكسر

فارقني مع ان مابه ارسال ولا حس ولا حساس بس بغض

ههههههههههه

(10)

وكلاً منا خذا له طريق الي يجمع حطب والي يضبط الغدا

(11)

يالله يالله ان تعين عليها

أرطاة على الكيف

ماودك الا تشوفها وبس

والله يالأرطى هناك متخرع تخرع يقول وين من يشيلني بس

ولا يحتاج لاسحب ولا ونش ولامنشار يالله من فظلك

(12)

بدا عاد الشغل الثقيل

كبسة يا راعي الكبسه

شوفوا تحذير ممكن ماتتحمل الصور لاتشوف اذا ماودك

وهذي بصلتنا واطميطتنا وبداية موفقه لعمل الكبسة

(13)

في البر ودك تستغل كل شي معك وتقلل من الخساير المادية

وتحاول ان توضف كل شي من حولك بصالحك

انظر للصورة أدناه كيس بلاستيكي خرفاش

تم جعله مثل الماعون لغسل اللحم

(14)

وصورة أقرب ولحمة يحبها قلبك

والنضافة من النظافة ولاشك

ضليعات اشويهة نجدية خيااااال

(15)

أحمسها بشوي مويه مقدار ملعقتين ماء مع البصل

وصك عليها خمس دقايق ثم تعال شف المنظر الخيااااال

(16)

تقدر تقاوم 00 ؟؟

اذا تقدر واصل الصور يالغالي

هههههههه

(17)

ايظاً ومن باب وضف ماحولك من مواد وهذا الواجب

هالعلبة جا لها دور ماهو هين

غسيل الرز مطلوب ومهم في ظبط نكهة الكبسة

(18)

لاأوصيك افرك صح وبتشوف نتائج طيبه

صورة أقرب

(19)

كبست اللحيمه بس وخذت لها 8 دقايق او حولها

ثم فتحت القدر مثل ماتشوف

رحمك الله لاترد الآن

للموضوع بقية

تـــابـــع

.

[راعي الهدد]

(20)

كبست الرز على اللحم

ولحفته من الهواء بسم الله عليه

ههههههههههههههههه

لازم لعشان ماتطفي النار وتجي ماتحصل حولك كبسة




(21)

وربع ساعه الى عشرين دقيقه

ثم افتح قدرك ويالله من فظلك

نعمه وخير يالله لك الحمد




(22)

لايفووووتك هالفلفل الأحمر والله يابه طعم مايوقع الا بالراس

أحيييييه ياكبسة في نفود مع ارجال شرواكم

الله يعيدها وحنا بأمن وأمان




(23)

صورة أقرب بس لعشان بعض الناس

يطبووون امحيفره للمطبخ الآن

ههههههههههه




(24)

يازين النظافة والمحافظة على البر

لأنه مكانك وبترجع له بيوم من الأيام

هذا كيسنا الي كان ماعون لغسيل اللحم

وهذي مجموعة قراشيع لابد من رميها كمخلفات




(25)

والله مايضرك شي كيس علقه مثل كذا

وجمع به كل ماهب ودب وآخر شي نارك لاتطفيها وانت ماشي

كب عليها المخلفات وريح راسك وريح البشرية يرحم امك وابوك




(26)

طبعاً ترى الموتر راعيه يقول ماهوب للبيع

هههههههههه

المقصد صورة للمكان الي تشوفون لاغير




(27)

وعقب الغداء خدرانين من الكبسة ماغير هجده

والله ماغير تسمع صوت أذنيك

ولا ينغص عليك الا وشيش بسيط

تقول وين هذا 00 ؟؟ وين هذا 00؟؟

واذا رفعت راسك الا الطلقة فووووووق

طائرة نفاثة على قولتهم

بس ماطاب خاطري قلت لازم اسبقها وآخذ لها صورة

هههههههههههههههه

(28)

بالفعل جبتها بصورة يحبها قلبك بس لاحامل ثلاثي ولا شي

الحامل ماغير ارجولي وانا امبوبز

جعلك ماتشوفني وانا اصور

ماغير آآآه يوووه ما أمدى واكتم نفس من جديد آآآآه

ههههههههههه

ويالله القطها مع الزوم العالي




(29)

ماش ماطاب الخاطر قلت ارقعها بصورة اوضح واقرب

والله يالربع انها بكبد السماء ماتشوفها ابد

بس ماتشوف الا الخط الأبيض بس





(30)

خلونا من الطيران وخلونا بالأرض

حجاكم وش هذا 000 ؟؟؟

الي بيعرف له جايزه

ههههههههه




(31)

دجنا عقب العصر وحطبنا الين قلنا بس

وجيناك نبي القهوه والسالفة الحين تبي تصير خاثره

صورة لمقعدنا عسآه يتكرر ويجعله دايم مجلس عز وكرم




(32)

جانا رش مطر يحبه قلبك

والجو عليل والله خيال وارض طيبه وونيسة

لاتفوتك اللقطه بعد جهد جهيد وكحيح وفحيح

ههههههههه




(33)

أرطاة حزينه ابكاني حالها

لسان حالها يقول ربي اغثني ولاتجعلني من القانطين

يالله انك تغيثنا وترحمنا

هذي دواها حطـّاب عاقل




(34)

منتوب مصدقين لو قلت لكم اني اسفهليت الين قلت بس

شكلكم تقولون وش نسوي بك طيب 000 ؟؟؟

ههههههههههههه

يالربع لا أحد يقعد الخميس الجاي

ترى المطلاع مامنه الا سعة الصدر وتجدد النفسية للأحسن







رحمك الله لاترد الآن

للموضوع بقية

تـــابـــع






.

[راعي الهدد]

(35)

هفت الشمس وهب الهوا البارد

ولابد من زود على النار بكم عود

(36)

طيب شف هالصورة وقل لا اله الا الله

نسينا انفسنا ولا درينا ان الوقت تأخر وورانا دوام السبت

(37)

التقاطه أخرى قد تسر نفسك ياغالي

(38)

حتى الـدلــة قــامت تلعب طــرب

ماشدتها الأرض ابد

(39)

اغلسه

الكمره ماعاد تنفع بس قلت كود آخذ زود صور

(40)

الله يقينا النار وولدينا

آميــــن

صــــورة من قــلــب الحـــدث

(41)

ختام المسك

كسرة عود أزرق وكما قالوا الطيب شمه

وما عقب العود قعود

(42)

أودعكم أخوتي والى لقاء آخر

أخوتي الغالين

أعضاء منتديات الرحلات

جمعني الله بكم في مستقر رحمته

آميـــــن

أرجوا منكم تقبل هذا الموضوع على مافيه من نقص وقصور

وهذا ديدن كل بني آدم التقصير والذنب

عسى الله يرحمنا

رأيي عن مزاين أم رقيبه يعد رأي لراعي الهدد لاغير

ممكن ان يقبل او يرفض وبراءة للذمة كتبت

بصراحة اذا كانت هذه أهتماماتنا وعلى هذا النحو

فلن نتقدم شبراً ولا ذراعا

عسى الله يعين الأجيال القادمه بس

محبكم ابو حمد

28/11/1428هـ

وانتظروا القااااادم

القاااااادم 00000 القاااااااادم 00000 أشد وأنكى

[موسمي]

ماشاء الله ماشاء الله ماشاء الله تبارك الله ....

هني وعافيه رحلة ممتازه وبصراحه يشرفني إني اكون اول رد على الموضوع في اول مشاركه لي في المنتدى
بيض الله وجهك

يابوحمد مثل ماعودتنا
تميز
تصوير
حصريه
...

[البارق]

السلام عليكم
هلا والله بابوحمد
ماشاء الله تبارك الله
رحلة موفقة وجمعة اخوان مباركين ان شاء الله
توي قايم وافتح الرحلات واشوف موضوع راعي الهدد
واول موضوع قلت ماينتفوت
وخلني اول واحد
جعل ايامكم سعيدة يارب....



مشكور .....
وفي حفظ الله
.......................... اخوك ابوعبدالله.........................

[عز مع الكيف كافي]

ما شاء الله عليك مواضيع تفتح النفس .. عسى الله يديم علينا هالنعمه .. ويوفقنا وياك لما يحب ويرضى ..
::
::
وبانتظار المزيد من مواضيعك الشيــّقه ..


تقبل تحياتي ..

أخوك:
أبــ تميم ــو

[وسم]

ما شاء الله تبارك الله

كالعاده راعي الهدد مميز في جميع مواضيعه

صراحه اعجز عن الكلمات

ما اقول الا الله يسعدك من وين مارحت

وبيض الله وجهك

[قناص الحبارى]

حيا الله أخوي / أبو حمد

رحله موفقه وتصوير موثق وموضوع مميز ........................ الخ ..


ما شاء الله عليكم والحمد لله على السلامه ولا تنسانا من مواضيعك الطيبه


أخوك/ قناص الحبارى

[حامد الغامدي]

أخي راعي الهدد:
في التميز مالك حدود، مواضيعك بغية الرحاله منها يشوفون ويستفيدون ومن أسلوبك السهل يتذوقون، عساك على القوه رحله جميله كاملة التواصيف، والحمدلله المزاين خلتك تطلع لها وتصير هالرحله اللي على كيفك. تقبل مني الشكر الجزيل.

[محمد المعارك]

رحلة رائعة يابو حمد....... والحمد لله على السلامة
فعلتوا حسن يوم انكم طلعتوا عن ام رقيبة للدهنا.... والظاهر انكم متمسكين بالبر لآخر رمق .... الا متى وصلتوا بيوتكم؟

بصراحة انك نقلتنا لجو الرحلات والدهنا ، والنفود والكبسات والوناسة.... الله يونسك بالصحة والعافية.

بارك الله فيك.

[ولد الدوادمي]

رحم الله والديك يبو حمد على هالموضوع والتقرير الي خليتنا نعيش جو الرحلة معك
ورحم الله والديك
ولاتنسى تتحفنا بجديدك

أخوك
ولد الدوادمي

[راعي كيف]

السلام عليكم
ابو حمد الله يجزاك خير ومثل ماقلت انت راعي مشاكل منتب راعي هدد غربلتنا وشوقتنا الله يصلح الجميع

راعي كيف
ابو ناصر

[ثامرالماضي]

بسم الله الرحمن الرحيم

أبوحمد ...

يامال الجنه والله ... الصراحه أنت مبدع من قبل وش تبيني أقول هالحين ...

ما أقول إلا جزاك الله خير على سعة هالصدر ... أما قصّة الطياره النفاثه هذي موضوع بلحاله ههههه

بعدين مكانكم اللي جاكم فيه رش مطر... حول حرابة صحيح ... تشوفون النقيان وإلا لا ...

مشكور وماقصرت يابوحمد ...

ولاتبطي علينا بمواضيع زي هيك ...

,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,

[سحمان السبيعي]

بارك الله فيك اخي راعي الهدد على التقرير المصور لرحلتك الله يجزاك خير

[سيد النشاما]

ااااااوويلي ويلااااااه على هالصور

الحمدلله على السلامة ماشاء الله تبارك الله رحلة موفقة

يالله انك تغيثنا وترحمنا

هذي دواها حطـّاب عاقل

هههههههههههههه
يازين سواليفك يابوحمد , الله يسعد قلبك في دنيا وآخرة . اللهم امين

تقبل مروري مع التحية المعطرة والمخلوطة بالعرعار والقرقصاني