ذكريات سوق الحماااام (50 صورة)

[عبدالله]

السلام عليكم ورحمه الله وبركاته
هذا يا طويلين العمر سوق وحراج الحمام
(يوم كان سوق للحمام)
:P
طبعا موب بس حمام الا كل انواع الحيوانات الي تتخيله
كلللل شي بدون استثناء من الدينصورات اليييين النمل
قال وش دراك انها نصبه قال من كبرها
لا بالله كل شي موجود حمام دجاج بط قطاوه
طواويس وبر ببغانات ضباع فهود
بس ذا الحيوانات المتوحشه تتجي نادر
ولا يجيبون الا بزور الكبار تصير متوحشه
بعديت فيه ناس بالسوق اختصتصه اي شي تقول له يجيبه لك
طيب نبدا بالصوره بسم الله وترا الصور كثيره 58 صورة

هذا السوق من برا

ضباضيب

ضباضيب ثانيه اكتشف ان اكثر من ياكلها السعوديين
والبنقال ايه والله البنقال بالسوق ياكلونها

هذا محل من برا

هذولي طيور الحب والله يافيهم رومنسيه غير طبيعية

هذا شكل الحراج من برا طبعا يشتغل خميس وجمعه
والله فيه خير كثير لو عندكم بريعصي بالبيت مزعجك
لا تصكه بالنعله رح بعه بالحراج يجيب لك فلوس

هذا وبر ماشاء الله يولدون بسرررررررعه
يعني لو تجيب 6 وبران بنهاية السنه
يصيرون مليارين وشوي <<<<< لعد تبالغ

هنا حراج الكناري والحسون والبندوق يعني الطيور المغرده

هنا يعلقونها عشان تشتغل يعني تغرد الي باليمين حسون والي يساره كناري
والقفص الابيض بندوق طبعا البندوق يصير من ام كناري وابو حسون

هنا نشوف الحراج على كناري

هذا الحسون اسعاره من 150 الى 3000 ريال
بس حالات نادره يوصل3000

هذا الديك الفارسي كبر قريح ماشاء الله

هذا الطاووس راقبوا الانثى
الي تحت الذكر بتسوي حركة اكشن نهاية الحراج

هذا ثعلب مع العشاء تبعه ونلاحظ ثعلب ثاني تحته

تيس خاش بالغلط

طيور المينا بس ذي سياحيه من السعوديه
النوع الثاني يوصل 7000 هذي ب 100 ريال وحرام عليها

بلابل

قطا

قطاوه

بائع الثعابين

هذا محل داخل السوق يبيع كناري

صقور

أرانب

بنات المذن

سمك والله الي يحبون السمك مدري وش يحبون فيها سكتم بكتم مالها حس
ولا صوت حتى الاكل يقولك لا تحط لهم واجد
عشان لو كثرت يموتون ياكلون كل الي قدامهم
لين يفطسون والله الشفااااااحه
السمك حلاته بس على السفره
غدانا اليوم سمك
:-))

[عبدالله]

كناريات

هذا محل ببغانات بس شغل متعوب عليه

وبران

هذا مصلخ بالسوق يالللللله ياعليه رييييييحه
غير طبيعيه تحووووم الكبد

ألعاب نارية

كتاكيت

حبيبه المصاريا

هذي اشرطه اذا بتعلم الطيور حقتك التغريد ولا الكلام

هذا عصفور عكرته :relly: اطول منه قصدي ذيله اطول منه سبحان الله

سلاحف الننجا

سنجاب

سمان عطشان

كتاكيت صوره مقربه

قرد الله يقرف العدو

غزال راعيه فاصل الذكور عن الاناث
الاناث ماصورتها فوق الخمس وحادها كلها ب 10000

نعام بزران

نعام مراهقات

هذا الطاووس وراقبوا الانثى حركة الاكشن شوي وتجي

طيور الحب بس القفص حركته حلوه مره

سنجاب يحك ظهر خويه

هذا مصلخ جديد خرب سوق القديم ذاك

قطوه مملوحه

هذي الحمامه محرجين عليها زوج ب 400
وماتت النكبه :-8

وهذا الطاووس النكبه بعد بنهاية الحراج
وكان مسيوم ب 2500 طار من راعيه قسم بالله قهررر

مادري وش وضع السوق الحين بعد الانفلونزا

شكراً لمتابعتكم

حقوق النشر محفوظه

وإلى حاب نسخه كامله من تقرير الزيارة يمكن تحملها من هذا الرابط
http://www.4shared.com/file/22509731...fc8/_____.html

شكراً لصديقي

[سحمان السبيعي]

شكرا لك اخي عبدالله التقرير رائع والتعليق اروع بيض الله وجهك

[البارق]

اييييييييييييه
ياسوق الحمام


ايام ××××ايام
ايام راحت؟؟؟؟؟؟؟؟؟

الله يعافيك أخوي عبدالله
لكن وش صار عليه من تالي الظاهر انه
دج بعد مانقلوه...

عساك سالم وماقصرت

[ريع الدياب]

الغالى عبدالله

تقرير سياحى موثق ودرجة أولى (5 نجوم)
وملاحظة الغالى (كان) فى محلها .. التعليق أروع
ياسلام على هيك تقارير ممتعة ومفيدة .. شكرا

[حامد الغامدي]

عبدالله:

والله يالغالي عندك تعليق ابد ماشفت مثله من زمان، الله على روحك المرحه شوف أرسلت لك عالخاص رسالتين، حقيقه موضوع رائع بمعنى الكلمه، انا أسمع بسوق الحمام في الرياض ولكن ماهو بهذا التصور، اللي شفته شى جميل جدا على الأقل فيه حيوانات ما قد شفناها من قبل، روح الله يسعدك ياعبدالله ونشوفلك مواضيع وتعليقات تفرح الخاطر.

[البجلي]

مثل ماقال كان وكان فعل ماضي
السوق مررت عليه من قريب صاكين عليه بالحواجز من جميع الجهات ولا شفت فيه محلات مفتوحه
ومريت من عند الاماكن المخصصه للحراج اللي خلف السوق ولا مجال للدخول لخلف السوق حيث الحواجز .
ولكن سيبقى هذا الموضوع لاحياء ذكرى ذلك السوق ، علما انني لست من رواده ولكن مررت من عنده صدفه فاخذت حوله جوله ع السريع .
مشكور اخوي على هذا التقرير الرائع .
ولي سؤال
كم مضى على هذه الصور؟
تقبل تقديري

[قناص الحبارى]

أخوي عبدالله

أبدعت والله وكأننا شريطيه وحنا نتفرج على صورك ونقرأ تقريرك...

بس هذي الصوره خشت عرررررررررررررررررض

والله ضحكتني يوم قلت نعام بزران ....

اخوك/ قناص الحبارى

[محمد المعارك]

الصور رائعة وبصراحة انها فرجة وتستاهل العنوة ... لكن بعد ظهور المرض في المنطقة ما عاد فيه.

التعليق رائع اخي عبدالله ماشاء الله عليك تمتلك جمال القفشة والتعليق الساخر الجميل.

بارك الله فيك.

[سهيل]

شكرا الغالي عبدالله


تقرير متعوب عليه


صور روعة


شكرا اخي

[أبو حسااام]

يعطيك العافية أخ عبدالله

[الوافي عزام]

اخي الغالي عبدالله

صراحه دخلت معك جو وتذكرت ايام السوق من كان بالديره حتى آخر حياته بالعزيزيه

حرمتنا انفلونزا الطيور من زيارة السوق ... عساه يرجع

الف شكر على تقريرك الرائع

[عبدالكريم اليوسف]

الغالي
عبدالله
كل الشكر لك على هذاالابداع المتواصل

عساك على القوة يالامير
اخوك

[عمار السفينه]

ههههههههههههههه

سلمت يا أخوي عبدالله

صور روعه وتعليق أروووووووع

الله يوسع صدرك مثل ماوسعت صدورنا

والله يعجل بفتح السوق

بس الله يعيين راعي الطاؤوس

[Abdullah K. AL-Hassan]

بارك الله فيك أخي الكريم والمبدع

* .::::::. .::::::. عبدالله .::::::. .::::::. *

على هذه التقااااااااااااااااااااااارير الأكثر من رائعة...

حقيقه موضوع وصور وتعليق أكثر من رائع...

أللللللللللللللللف شكر يالغالي ...

تقبل مني خالص الود والتقدير والمحبة
أخوك ومحبك في الله عبدالله