السلام عليكم
اسعد الله اوقاتكم بكل خير
حقيقة اطلعت على موضوع الاخ الكريم وصل وجفا في احد المنتديات
واللي يطلب فيه المشورة في الترامس اللي عليها الكلام ، قلت من واجبي وبحكم سابق خبرة بسيطة في الموضوع لازم انزل موضوع خاصة للأخ وصل وجفا وللجميع ، ومثل ما يقولون من اجل عين تكرم مدينة ، واهل الرحلات واللي يزورونه غالين عليه ،
الصيف اقبل وجت حاجة الترامس اللي عليها الكلام واللي على قولت اخوانا المصريين ما تخرش المية .
يقول المثل ( يا مدور الهين ترى الكايد احلى )
والرخيص مخيس 
علشان كذا اقول تبي ما يريحك ارخ الريال وانا اخوك
في السنة الماضية لفيت اسواق الرياض كلها علشان ادور على ترامس الـ GOOT وللآسف ما لقيت الا تجاري شغل امارتي ، والشغل الاماراتي اردى للآسف من الصيني .
قلبت الاسواق الكبيرة من جيان الى كارفور الى ساكو وحقيقة ما لقيت ترامس جديدة منافسة للـ GOOT الا ترامس اسمها
طبعا هذا حجم صغير وبسعر تقريبا (160ريال ) تقريبا ، هذا السنة الماضية ، وفيه اصغر منه وفيه اكبر ، يعني صحيح غالي لكن حقيقة لقيته بنفس جودة GOOT
واذا شفت ان سعره غالي انصحك بما قمت به انا حيث اني قبل ما القى هذه النوعية لفيت حراج ابن قاسم ولقيت حقيقة ترامس الـ GOOT
ما اقول جديدة ولكن نظيفة وباسعار خيال وهذي نوعيه مما لقيته في الحراج
لاحظ الصغير الاحمر تقول جديد ومن داخل بعد احلى واحلى ، طبعا اللي طمعتي فيه أنه قوت
تدرون يالربع اني قبل البارح طالع طلعة خفافي مع ام العيال عقب العصر
قلت امر واخذ بارد وبعض ( البهانيس ) للبزراين
طبعا كلمة ( بهانيس ) هذي يعرفها بعض الربيع ومنهم راعي الهدد الله يذكر ايامه بالخير وكذلك الضاحي بحكم قربه مني .
المهم ما لكم بالطويلة اشتريت البهانيس وبعض البارد من سفن وعصيرات .
المهم الغريب في الامر اني يوم جيت اليوم الثاني وفي نفس المكان وافتح الترمس والقى البارد على ما هو والله بارد ويحبه قلبك .
قلت كفوووووووووو والله يالقوووووووووووووت
بتقولون اكيد معه ثلج ، طبعا والله ما معه ثلج فقط معه ست حبات من العبوات التالية
لا ولا فيها كلفه ولا اشتر ثلج والا بع ثلج
اشترها اول مرة واذا انتهيت منها ردها في في الفريزر كما يظهر في الصورة التالية
في الرحلات الطويلة
بتقول هذي ما تنفع ، اكيد ما تنفع ، طيب شو الحل ..
الحل طال عمرك عليك بالثلج القوالب
اللي يطول معك ، وانتم تخبرون شغل شيبانا الأولين كان كل تبريدهم على الثلج القوالب ، وما ننسى فلج ابو صالح الله يرحمه في تمثلية درب الزلق
وانصح الجميع بمراجعة الموضوع لأهميته لمن يرغب الحصول على ثلج يطول وما ( يموع - يميع ) بسرعة .
تحياتي لكم
اخوكم
ابو عبدالله
جاكم الصيف وجت حاجة الترامس اللي ما تخرررش المية ، وما تبي لها ثلج بعد
كل ماشفت شي قلت يا ولد اشتره ((( يمكن))) احتاجه يوم 
العرض العادي
