نعم قبل 4 سنوات إنتقل والدي إلى رحمة الله تعالى ... وبما أني رأيته بالمنام في ليلة البارحة ... أحببت أن أدرج هذه القصيده وأتمنى من كل من يقرأها أن يدعو له بالرحمه والمغفره ... وأسأل الله أن يتقبل منّا ومنكم إنه سميع مجيب الـبـارحـه بـالـقـلـب زادت إطـعونه =ومن حر موجس قلت ياراس راسيه والـدمـع منـي مـنحجـر فـي جـفونه =وأقــول أنــا للـعـيـن يــاعـيـن هــّليه علـى الــذي فرقـاه صـارت غبونه=أبــوي يـــاجـعـل الـعـواقـب تـخطّيه وعلـى الــذي أقفى ومالت غصونه =وشـهـي حــياةٍ عــقبـه الـيـوم يــاهيه وعلـى الــذي إبـزورتـه يـحـترونه=الـكـل مـنهـم يـزعـج الصوت يدعيه لا شـفـت لـي نــاسٍ وهـم يـذكرونه =تـخـنـقنـي الــعبـرات لاحـّل طــاريه تعاودني الـذكرى ويهيّض إشجونه =قـــلـبٍ حــزيـنٍ كـــاثـراتٍ بـــلاويه يــوم إنـهـم بــالـمـغسـلـه يـقـبّـلـونه =علــى جـبـيـنه والـكـفـن فــيه طاويه ويـوم إنـهـم علــى الـنـعـش يـنقلونه =والـنـاس مــن حــولـه جموعٍ تباريه مـقصـودهـم يـّـم الــقـبـر يــدفـنونه =والـكـل واقـف يـنثـر الـــدمع يـبـكيه ووســط اللّــحد يـوم إنهم يسدحونه =كـّلـه ظــــلام ومــابـه أحــدٍ يــسـليه وهلّــو تــرابٍ بــالـقـبـر يـنـثـرونه =تـخــالـطـت دمــعات عـــيني بـتاليه والله لــو إن إدمـــوعـنـا يـرجعونه =لـبـكي بــكا مـاصار ومحدٍ سمع فيه لـبـكـي بــكـا كـل الـمـلا يــسمعونه =ألـيـن يــرجع لــي وعـيـني تـراعيه والله لــو إن الــمــوت يـنزاح دونه =لـبـنـي لــــه إجـدار شــديـدٍ مـــبانيه هــذا حـكـم ربــي ومــالــي بــدونه =وكـل مـيـت راس مــــاله مــساعيه والــمــوت حــق وكـلـهـم يـتـبعونه =اللــي مــريـضٍ واللـي ربي معافيه وتكفون مـابي مـن الدعاء تقطعونه =حــقٍ عـلـيـنا بــالــدعاء لـه نجازيه يـابـوي جـعـلك مــاتشـوف المهونه =وحـقـك وأنــا ثــامر فـلانيب ناسيه وتـرى الــوعد جنات عدن وعيونه =عند الــنهـر نشرب زلالـه وصافيه اللهم أغفر له وأرحمه وأسكنه فسيح جناتك أبو شعلان
السلام عليكم ورحمة الله وبركاته صح لسانك ورحم الله الوالد وجمعنا واياهم في الفردوس الاعلى من الجنه على سرر متقابلين
اللهم أغفر له وأرحمه وأسكنه فسيح جناتك
رحم الله والدك والله العظيم انه كان من احب الناس الي في الحاره وكان رجلا بشوشا يسأل عن الحال بل والله اني كنت ازوره انا والوالد فتراه يوقر الصغير قبل الكبير ويقولي جعلك اطيب من ابوك ,,, رحمك الله ياابو خالد
هــذا حـكـم ربــي ومــالــي بــدونه وكـل مـيـت راس مــــاله مــساعيه والــمــوت حــق وكـلـهـم يـتـبعونه اللــي مــريـضٍ واللـي ربي معافيه الله يغفرله ويرحمه ويسكنه فسيح جناته ويجمعنا معكم في أعالي جنات النعيم كم من عزيز وغالي فقدناه رحمهم الله وغفرلهم وأسكنهم فسيح جناته تقبل مروري .. أخوك عبدالله
الغالي ابوشعلان صح لسانك ورحمه الله رحمه واسعه موفق بإذن الله ... لك مني أجمل تحية .
السلام عليكم ورحمة الله وبركاته الله يغفر له ويرحمه صح لسانك
السلام عليكم ورحمة الله وبركاته هلا بالغالي ابو شعلان والله اني تعبرت على هالقصيدة المؤثرة الله يرحم اثنين جابوك ويغفر لوالدك ويجمعنا باموات المسلمين في جنات عدن
نعم لوكان البكاء يرد موتانا لبكيت ليلا ونهارا اللهم ارحم والد أبو شعلان ..وأرحم والدي ووالدتي وأخي وجميع المسلمين شكرا لك
او ولد صالح يدعو له الله يغفر له ويرحمه يوم شفت الموضوع والاه في قسم الاشعار والالغاز عرفت وش المقصود تقريبا يعطيك العافية يابو شعلان
رحمة الله رحمة واسعة وغفر الله له وجمعكم به في عليين
الله يهديك يابوشعلان عورت قلبي والله يوم شفت الموضوع((الموضوع مفجع)) لاعاد تروعنا يابوعبد الله .. الله يغفر لوالدك ولوالدينا ويرحمهم برحمته وجميع المسلمين ونسيت اقول صح لسانك يالغالي.. تقبل مروري محبك البارق,,
الله يغفر له ويرحمه ويسكنه الفردوس الأعلى وصح لسانك بارك الله بك
اقتباس: المشاركة الأصلية كتبت بواسطة البارق الله يهديك يابوشعلان عورت قلبي والله يوم شفت الموضوع((الموضوع مفجع)) لاعاد تروعنا يابوعبد الله .. الله يغفر لوالدك ولوالدينا ويرحمهم برحمته وجميع المسلمين ونسيت اقول صح لسانك يالغالي.. تقبل مروري محبك البارق,, الله يرحمه ويغمد روحه الجنه والله اني بغيت ادور الرقم علشان اعزيك قلت افتح الخبر اول والحمد لله على قضائه وقدره
صح لسانك وغفر الله لوالدك ووالدينا اجمعين آمـــيـــــــن
Security team
والدي إلى رحمة الله ............... أبو شعلان
العرض العادي
