قهوة المشراق (2)..(مسوى الفحم)

[فهدالدوسري]

الاخوه الغالين
السلام عليكم
اخواني قهوة مشرقنا اليوم بتتكلم عن المسوى القديم لي كانو اجدادنا يستعملونه
في عملية السوى للثياب (منين لهم ثياب واحد ويخب واذا قصر عليك عطوه اخوك لي اصغر منك)
عمومآ المسوى او (المكوى) لي كانو يستعملون كان يعتمد علي الفحم او كرب النخل او اي جذع شجر مقطع
يشبون فيه واذا جمر خذو الجمر وحطوه في المسوى
الحين نبي نشرح المسوى وقطعة وطريقة وضع الفحم
..................
اخواني هنالك انوع من المساوى وهذي بعض الانواع
هذا النوع لي بنشرحة ابو جمر

وهذا واحد اول مره اشوفه وهقوتي انه يشتغل علي القاز مثل الدافور.......... يمكن.......... لكن ابنشد عنه

هذا المسوى ويسمونه ابو ديس

وهذي قطعة حديده تحط في وسط المسوى ويحط فوقها الجمر لئن الجمر مايلامس بطن المسوي علشان ما يصير حار
بالمره ثم يخبز الثوب ويسمح للرماد انه يتجمع تحت ويحافظ المسوى علي حرارة ثابتة

وهذ ي القطعة بعد ماحطت في بطن المسوى

وهذي صورة الكرسي حق المسوى علشان يحطونة علية بدال مايحطون علي الزل او الحصير علشان ماتاثر

وهذي صورة قفل المسوى علشان اذا رفعتة بالعروة ماينفتح واذا بغيت تفتحة تدز السقاط او القفل الي زدام وينفتح

وهذي صورة العروة منجورة من الخشب علشان تكون عازل حراري ولا تسوى يد لي يسوى وبعض المساوى من كثر استعمالها تاكل الخشب مع الوقت ثم يلفون عليها خياش او قطع قماش وتربط بسليس او طريدة

في هالصورة تشفون خفوس فوق و تحت لي تحت علشان يدخل الهواء ويساعد علي تاجج الجمر ولا يطفي بسرعه
وتشفون انها مرتفعة شوي عن ساس المسوى
علشان الرماد ما يتناثر علي الثوب طيب اذا زاد الرماد وشلون يطلعونه هذي امرها سهل في الصور الجايه
اما لي فوق علشان يطلع الكربون ويخفف من الحراره لا تصير زايدة

شفتو هالشق الملطس هذا لي يطلعون معه الرماد الزايد يقمون ويرفعون السداده

واذا رفعوه طلعو الرماد مع هالشق الطولي وكذلك يستعمل لدخول الهواء ليساعد الجمر علي الاشتعال منداخل

هالحين يشب علي الجمر لين يتوقد ويغدي سنة حلاو حلقوم.......

ثم بعد ذلك يحط في قلب المسوى واذا احتاج المسوى زود زادوه يعني اذا الثوب من نوع (دوبلين او تترو او تيجان)
طبعن هذي اسامي قديمة للقماش

والحين تتم عملية السوى بعد ماحتمي المسوى ويكون جنب لي يسوى سحلة او طاسة فيها مويه علشان يرش الثوب
ويلين ويسهل عملية السوى

وهذي صورة اخري للسوى من فوق

وفي وسط السوق تشم انوع البرفنات والاطياب نوع برفان كرب نوع برفان جمر نوع برفان خشب اثل او سدر
المهم الثوب مسوى
اخواني ارجو ان اكون قد وفقت في طرح الموضوع
اخوكم
خشم الحصان
نرجو التوضيح والمساعدة اذا وجد خطا
..............
نغزة......... لا حد يجرب هالمسوى علي ثيابة لئن نوعية الخام او القماش راحت مع اهلها ام لي في السوق
ادنا حراره تخبزه اي تخفسة............
دقشة............ عيال هالحين.......... تهقاهم بيحترون لين تسوي بهالمسوى ...... ولا المغاسل علي الذمه
همسة........... الله يرحمكم ياجدانا ........... كلن وزمانة.............

[سحمان السبيعي]

شكرا اخي خشم الحصان على هذا الدرس التاريخي عن المكوى الاثري

[ابو فراس]

ابو جراح نبي نغير الاسماء بينك وبين شايب الصمان

او نسميك شايب المشراق

وش رايكم ياجماعة

اخوي ابو جراح هل تحتفظ بهالمكاوي عندك يعني عندك متحف مصغر لهن

[يعقوب الوهيب]

مشكور يا ابا يــرّ اح على هذه المعلومة التاريخية والتراثية
بس ما ذكرت لنا متى انقرض ؟
من اول كل شيء حديد عندكم ،، اتوقع وزنه مع الفحم 30 كيلو......!!
الحمد لله اني ما لحقت على هالعذاب وهذه الاشغال الشاقة.




نغزة : اتمنى اشوف اليد اللي تستعمله ، اكيد فيها ست اصابع .!!
همسة: بعض الناس الى الان يلبس خام كتان ابو عرضين.اكيد لازال يستعمل هذه الاداة للكوي لان مافيه وسيلة لكوي الخام الكتان.

[ثامرالماضي]

بسم الله الرحمن الرحيم

أخونا الغالي شايب المشراق( خشم الحصان ) ...

الله لايهينك على هالصور الحلوه والمعلومات عن هالمتسوى ...

وترى أهلي ماتركوها إلا قريّب يمكن من 40 سنه بس هههه

بعدين يابومحمد في صورة سوداء وش سالفتها ...

لاهنت يالغالي ... وننتظر جديدك ...

,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,

[الوافي عزام]

الله لايهينك يا خشم الحصان

وموضوع اكثر من رائع وخصوصا انه عن شي قديم يذكرنا بالماضي الجميل والبساطه الرائعه التي نفتقدها هذه الايام

وشاكر لك يالغالي

[ريع الدياب]

الغالى أبومحمد خشم الحصان

كلمة رائع لا تكفى لوصف هذا الموضوع وباقى سلسلة قهوة المشراق
مكاوى الفحم هادى كانت أشغال شاقة مثل ما قال أبويوسف
أتذكر فى مصر زمان كانوا يستخدمون أنواع كبيرة تحركها بالرجل
وكانت منتشرة فى محلات المكواجية لكى القطع الكبيرة

[العنبري]

شرح وافي ومفيد

الله يعطيك الصحة والعافية اخوي خشم الحصان

اتمنى لك التوفيق

ولا تحرمنا من جديدك اقصد قديمك

تقبل مني كل الشكر والتقدير

[محمد المعارك]

والله يا خشم انا قاعد اقارن بين العنوان ( مسوى الفحم) وبين هاللي بالصورة وما عرفت وش السالفة لين قريت بعض الردود وعرفت ان ( مسوى) = (مكوى).

الحين ابقرأ الموضوع مرة ثانية واعطيك خبر

[خوي النشاما]

الخال خشم الحصان
موضوع اثري قرأته حرف حرف وقد اعجبني جدا وساتابع جميع حلقات المشراق ان شاء الله
بالمناسبة يبدو لي انك لحقت على هذه المتساوي << الكاف شطبنا عليها مثلك
بارك الله فيك

[فهدالدوسري]

الاخوه الغالين
السلام عليكم
حياكم الله كلن بسمة وهذي الساعة المباركة
................
الاخ الغالي
كان
لا شكر علي واجب نقدمة لك ولشرواك الطيبين يابعدهم
وحياك الله ياولد الشايب
اخوك
خشم الحصان
......................
الاخ الحبيب
ابو فراس
هلا بك كل الهلا
لا ياخيي خل راعي الطلايب في مسانة تحت جدار المحكمة
الحين مافتكينا منه وحنا بعدين تبي بعد نتجاور بالاسامي بيغدي سنة مسمار جحا كل يوم
يبي ينشد (وش رايك في اسمي )
نعم لدي واحد فقط
اما متيحف عندي قطع قديمة مثل قدور ومواعين وصناديق بس اني مارتبتها يعني حوسة
عموم مشكور علي المرور والمشاركة
اخوك
خشم الحصان
..........
الاخ الحبيب
المربببببببببببببببببببببد
وش دعوا لي يسمعك يقول هذا من مواليد باريس او بيروت
اقول اترك عنك هالحسي وشف ذرعانك كلها مساوي من هالمسوى غادي سنة
استك ماليان رقع
ست اصابع قطو خمس وتخب وبيجي يوم ويصير .............
ثوب كتان قصدك (سفته ) علشان اذا قصرت السموم فتقوها علشان تطول.......
عموم الثوب لي تطنز علية هذا طال عمرك سنة كرتون ثلاجة 18 قدم واذا بغيت افصخة يدزوني علي جنب وطلع منه
بس في البر مامثلة تهب شمال ترقد في الاسكيمو...... حر عندكم في ابو ظبي....... عندنا في......... البردي ..........
عموم يابو يوسف البرد مزبل ان شاء الله
اخوك
خشم الحصان
..................
الاخ الكريم
ابو شعلان
حياك الله وعسي الموضوع جازلك ان شاء الله وابشر نبي نجيب شي جديد
اما قولك تركناها من اربعين سنة انا اقول شرحك سرا......... او ادون من 40 سنة يعني حول 35 سنة
اما الصورة السوداء هذي سلمك الله كرسي المسوى ولكن من العجلة وطيت جمره جت سذا
اخوك
خشم الحصان
.................
الحبيب
الوافي عزام
مرورك علي الموضوع ومشاركتك شرف للكاتب وللموضوع وبشر بسعدك يالغالي
ان شاء الله القادم احسن واجمل
اخوك
خشم الحصان

[خالد الشريهي]

اخوي خشم الحصان

حلقة جديده من سلسلة قهوة المشراق استمتعنا بها كثيرا

واصل على بركة الله ولك جزيل الشكر

[صبر]

God فري Goooooooogd

[شرقاوي]

ياعسى عمرك يطول بالطاعة ياخشم الحصان

[فهدالدوسري]

الاخوه الغالين
السلام عليكم
حياكم الله جميعآ كلن بسمة فر سلسلة قهوة المشراق
..................
الاخ الحبيب
ابو عبد الله
مكثور الخير وان شاء الله سوف نواصل الي ان ناصل مع كل
جديد من القديم عن حياة الاباء والاجداد
اخوك
خشم الحصان
.............
الاخ الحبيب
صبر
مذيع ال bbc
مكثور الخير علي مرورك والمشاركة الله يجزاك عنا كل خير
وارجو انه اعجبك
اخوك
خشم الحصان
......
نغزة....... لي يشوف هالاكتابة بالانجليزي بيقول الاخ مقطوع سره في (لندن) او مذيع في قناة bbc
دقشة...... تاكد الله يحفظك امين من كلمة god ومن كلمة good
................
الاخ الغالي
شرقاوي
اللهم امين ويكفي مايجينا منكم الا هالدعاء ياخيي (ولك بالمثل امين)