فطور رمضاني على جو خقاقي [ طلعة فطور بتاريخ 1430/9/10 هـ ]

[أبوعمران]

بسم الله الرحمن الرحيم



السلام عليكم ورحمة الله وبركاته ..


حياكمـ الله وبياكمـ أحبتي أعضاء منتديات الرحلات وأسعد الله أوقاتكمـ بكل خير ومسره !


مبارك عليكم الشهر الكريم << ولو انها جت بعد الزحمه لكن يالله


والله يجعلنا واياكمـ من صوامه وقوامه يارب العالمين


بعيدا عن الاجواء الحاره داخل المدينه .. والزحام والضوضاء


اتفقت انا وكم واحد من النشاما اننا نفطر على أحد النفود بحيث الاجواء هناك أجواء عليله مقارنة بالأجواء داخل المدينه


خرجنا تقريبا الساعه 4.30 عصرا .. بحيث نلحق نوصل للمكان ونرتب امورنا عشان نكون جاهزين عند الأذان


طبعا الفطور كله من البيت مراعاه لنفسية الصايم <<



هنا لحظت الوصول وتنزيل الاغراض



وهذي زاويه اخرى



طبعا حطينا البريق على الدافور لتجهيز القهوه .. وتسلم يابوبريه على هالقهوه الطيبه



وهنا لحظت الإستعداد لأذان المغرب وذكر الله قبل الاذان



وعند وقت الأذان .. أذن شيخنا أبوتميم الله يعطيه العافيه



طبعا هذي المائده قبل تنفيذ عميلة الإعدام عليها شنقا بالرصاص <<



الدله والرطب يازينها زيناه .. وصدق من قال ان التمر مسامير للركب



وهنا الشقرديه أبوتميم وابوبريه وهم ينفذون عملية الاعدام على الفطور المسكين << على ساس طالع منها



وخلاص هذا آخر فنجال شربته ونشب لي قالي الا تصورني




تقبلوا تحياتي

والسلام عليكمـ ورحمة الله وبركاته


أخوكم / أبوعمران

[حامد الغامدي]

فطور مبارك يابو عمران، وأبو بريه بارك الله فيه والنعم، طلعتكم فعلا خفافيه، والصور والتعليق يدل على روحك المرحه تقبل الله منكم وما نمل من مواضيعك يامال العافيه.

[ابو فراس]

فعلا الجو بدا يتحسن وخاصة في الليل

وش خليت طلعة فطور وعلى النفوذ

يالله من فضلك

[محمد المعارك]

مشكور اخي ابو عمران
الفطور بالبر له طعم خاص.

استمتعت بهذه الرحلة الخفافية والحمد لله على السلامة.

بارك الله فيك.

[أبوخالد التويجري]

ماشاء الله تبارك الله


طلعة خفيفة رائعة ولو كملتوها بكويتم كان تطلع خقاااق

بس الأجواء تكفي وعليكم بالعافية




لا هنت ياعبوعمران




ابوخالد

[عبدالحميد الحربي]

تسلم يا ابو عمران على هالطرح الجميل

وتقبل الله منا ومنكم الصيام والقيام

[المترو]

عليكم يالعافيه وماشالله وتقبل الله منا ومنكم
ولك ودي واحترامي
ابوناصر

[الشيخ قوقل]

والله يابوعمران أنك عاجبني من رحلة النفود الكبير

1 ــــ وين الباترول
2 ـــ المكان الثمامة صحيح ؟؟؟؟
3 ـــ الصورة جميلة رغم قلّة واختلاف التمر
4 ـــ الصورة من خلف العشر خيال
100000 ــــ تحيّة لك أخي العزيز







.

[قوي العزوم]

اخي ابو عمران

الله يجعله بالعافيه

وبيض الله وجهك على هذا التقرير الرائع والصور الرائعه



قوي العــــــــزووووووم

[عمار السفينه]

وعليكم السلام ورحمة الله وبركاته

يا سلام يا ابو عمران

يا زين الفطور في الخلاء الخالي

أهم شيء انكم استانستوا بالطلعة

شكراً لك على التقرير الجميل

[أبوعمران]

المشاركة الأصلية كتبت بواسطة حامد الغامدي

فطور مبارك يابو عمران، وأبو بريه بارك الله فيه والنعم، طلعتكم فعلا خفافيه، والصور والتعليق يدل على روحك المرحه تقبل الله منكم وما نمل من مواضيعك يامال العافيه.

أخوي حامد حياك الله وبياك .. شرفت وآنست بارك الله فيك

المشاركة الأصلية كتبت بواسطة ابو فراس

فعلا الجو بدا يتحسن وخاصة في الليل

وش خليت طلعة فطور وعلى النفوذ

يالله من فضلك

هلا والله بشيخنا أبوفراس .. زيارتك لموضعي تشريف لي والله

حياك الله وشاكر لك مرورك العطر

المشاركة الأصلية كتبت بواسطة محمد المعارك

مشكور اخي ابو عمران
الفطور بالبر له طعم خاص.

استمتعت بهذه الرحلة الخفافية والحمد لله على السلامة.

بارك الله فيك.

هلا بأخوي محمد .. صدقت والله الفطور بالبر له طعم ورونق خاص لما فيه من هدوء وراحة بال ..

سررت بردك الجميل بارك الله فيك

المشاركة الأصلية كتبت بواسطة نوماس سدير

ماشاء الله تبارك الله


طلعة خفيفة رائعة ولو كملتوها بكويتم كان تطلع خقاااق

بس الأجواء تكفي وعليكم بالعافية




لا هنت ياعبوعمران




ابوخالد

حياك الله أخوي نوماس .. الرائع ردك وطلتك الحلوه بارك الله فيك

وصدقت لو كان فيها طبخ كان صارت احلى , لكن تعرف لازم نجي قبل المغرب بساعه تقريبا عشان يبرد الجو وتعرف تعبانين ومرهقين فما يمدي الطبخ

المشاركة الأصلية كتبت بواسطة عبدالحميد الحربي (( أبو فهد ))

تسلم يا ابو عمران على هالطرح الجميل

وتقبل الله منا ومنكم الصيام والقيام

سلمك الله اخوي عبدالحميد .. والله يتقبل من الجميع يارب

شاكر لك مرورك العطر

المشاركة الأصلية كتبت بواسطة المترو

عليكم يالعافيه وماشالله وتقبل الله منا ومنكم
ولك ودي واحترامي
ابوناصر

الله يعافيك اخوي المترو والله يتقبل من الجميع يارب

حياك الله وبياكـ

المشاركة الأصلية كتبت بواسطة الشيخ قوقل

والله يابوعمران أنك عاجبني من رحلة النفود الكبير

1 ــــ وين الباترول
2 ـــ المكان الثمامة صحيح ؟؟؟؟
3 ـــ الصورة جميلة رغم قلّة واختلاف التمر
4 ـــ الصورة من خلف العشر خيال
100000 ــــ تحيّة لك أخي العزيز







.

هلا والله بشيخنا قوقل هذي الساعه المباركه والله

يازينك ويازين ردودك بالصميييييييم

وإجابة تساؤلاتك :

1- الباترول موجود ولله الحمد , ولكن هالمره طلعنا على سيارة أحد الشقرديه .

2- احسنت , لكن موب الثمامه الثمامه .. يعني حولها .

3- جمل الله حالك أولا , ثانيا بالنسبه لقلة واختلاف التمر .. يعني حنا 3 اشخاص فا جبنا شيء يكفينا وازودك من الشعر بيت رجعنا وباقي نصه , وبالنسبه لأختلاف التمر فأنا تعمدت اني اجيب انواع مختلفه من الرطب تقريبا 4 انواع في هذا السطل وكل نوع له مزاياه

شاكر لك مروروك العطر أخوي الغالي الشيخ قوقل

وتقبل تحايتي

المشاركة الأصلية كتبت بواسطة قوي العزوم

اخي ابو عمران

الله يجعله بالعافيه

وبيض الله وجهك على هذا التقرير الرائع والصور الرائعه



قوي العــــــــزووووووم

هلا بأخوي قوي العزوووووم ..

الله يعافيك ويرضى عليك ووجهك ابيض بارك الله فيك

شرفت وآنست

المشاركة الأصلية كتبت بواسطة عمار السفينه

وعليكم السلام ورحمة الله وبركاته

يا سلام يا ابو عمران

يا زين الفطور في الخلاء الخالي

أهم شيء انكم استانستوا بالطلعة

شكراً لك على التقرير الجميل

حياك الله أخوي عمار السفينه ..

ايه والله انك صادق يازين الفطور بالخلا الخالي .. راحة بال ورواقه على الآخر

الشكر لله على اعانته ..

تقبل تحياتي

[ريع الدياب]

بيض الله وجهك ياأبوعمران

الله يبشرك بالخير على تقرير هالطلعة الفطورية الخفافية
وعلى خبرية تحسن الجو مسيان للفطور على الكثبان

[الخلف]

وعليكم السلام ورحمة الله وبركاته
تسلم يا ابو عمران
تقبل الله منا ومنك الصيام و القيام
غصب تطلع حلوه لانه خارج الرياض
و الاجواه ليلا ولا احلي
بس ماشوف شبت النار غريبه

[ابو فراس]

هالحين وش يدخل الشيخ قوقول بتمركم

نشوف تمرك يابو عبدالعزيز ان شاء الله يوم الخميس وعساك على القوة

[احمد الثقفي]

تقبل الله منا ومنك أخي أبو عمران
تسلم على التقرير